મહામારી / કોરોના વિસ્ફોટ : વિશ્વના સૌથી મોટા ધાર્મિક મેળાવડા કુંભમેળામાં 5 દિવસમાં ચોંકાવનારા કેસ

• હરિદ્વાર ચીફ મેડિકલ ઓફિસર શંભુ કુમાર ઝાએ આપી જાણકારી 
• 5 દિવસમાં 1701 લોકોને કોરોનાનો ચેપ લાગ્યો
• સંક્રમિતોની સંખ્યા 2000 ને પાર જવાની ધારણા

વિશ્વના સૌથી મોટા ધાર્મિક મેળાવડા કુંભમાં 5 દિવસમાં 1701 લોકો કોરોના પોઝિટીવ નીકળતા સરકાર અને વહિવટીતંત્રની ચિંતા વધી છે. જો આ ટ્રેન્ડ ચાલુ રહ્યો તો હજુ પણ બીજા ઘણા લોકોને કોરોનાનો ચેપ લાગી શકે છે. 

કુંભમેળામાં સંક્રમિતોની સંખ્યા 2,000 જેટલી થઈ શકે છે

હરિદ્વાર ચીફ મેડિકલ ઓફિસર શંભુ કુમાર ઝાએ જણાવ્યું કે અમને શંકા છે કે કુંભમેળામાં સંક્રમિતોની સંખ્યા 2,000 જેટલી થઈ શકે છે. તેમણે કહ્યું કે હરિદ્વારથી દેવપ્રયાગ સુધીના આખા કુંભમેળામાં પાંચ દિવસમાં થયેલા આરટી-પીસીઆર અને રેપિડ એન્ટીજન ટેસ્ટ દરમિયાન આ લોકોની સંખ્યા જાણવા મળી હતી. તેમણે કહ્યું કે હજું આરટી-પીસીઆરના બીજા રિપોર્ટ આવવાના બાકી છે અને તેથી સંક્રમિતોની સંખ્યા 2000 ને પાર જઈ શકે છે. 

2010ના કુંભમેળા જેટલી જ જગ્યામાં યોજાશે કુંભમેળો 

2010ના કુંભમેળામાં હતું તેટલા જ ક્ષેત્રફળમાં આ વખતે પણ કુંભમેળો યોજવામાં આવશે. આ ઉપરાંત મંશા દેવી ટેકરી બાય-પાસ માર્ગનો ઉપયોગ કરવા અને આંતરિક રસ્તાઓના નિર્માણ કરીને ઝડપી બનાવવા માટે નિર્દેશો આપવામાં આવ્યા હતા.

આ વર્ષે પણ યોજાશે અખાડાઓની છડીયાત્રા 

મુખ્યમંત્રી રાવતે કહ્યું કે આ વર્ષે પણ તમામ અખાડાઓના સહયોગથી 'છડી યાત્રા' યોજવામાં આવશે. ઉત્તરાખંડ સરકારનું ધર્મ અને સંસ્કૃતિ મંત્રાલય તેનું નોડલ વિભાગ હશે. તેમણે કહ્યું કે કુંભમેળાને ભવ્ય અને દિવ્ય બનાવવા માટે સતત મીટિંગો યોજવામાં આવી છે.

ભવિષ્યની પરિસ્થિતિઓની આગાહી કરવી મુશ્કેલ: મુખ્યમંત્રી 

સાથે જ CM રાવતે જણાવ્યું હતું કે આ સમયે કોવિડ -19 દ્વારા થતી સમસ્યાઓનું કોઈ સમાધાન નથી. આખું વિશ્વ આ સંકટનો સામનો કરી રહ્યું છે. આનાથી તમામ સ્તરે કામની ગતિમાં અવરોધ ઊભો થયો છે. મુખ્યમંત્રીએ કહ્યું કે દેશના સમય અને પરિસ્થિતિ પ્રમાણે આ સંદર્ભે નિર્ણય લેવામાં આવશે. પરિસ્થિતિઓ આગળ કેવી હશે તેની આગાહી કરવી મુશ્કેલ રહેશે.