ગુજ'રાજ' 2022 / કોંગ્રેસ-AAP લગ્નમાં ઢોલવાળા જેમ આવી ઢોલ વગાડીને જતા રહેશે: UPના પૂર્વ ડે.CM ડૉ.દિનેશ શર્માનું ધમાકેદાર ઈન્ટરવ્યૂ

• ચૂંટણીમાં ભાજપના કેંદ્રીય નેતાઓની ગુજરાતમાં અવરજવર
• યુપીના પૂર્વ ડે.CM ડો.દિનેશ શર્મા ગુજરાતમાં
• ડો.દિનેશ શર્માની VTV સાથે એક્સલુઝિવ વાતચીત
   

ગુજરાત વિધાનસભાની ચૂંટણીનું રણશીંગુ ફૂંકાતા જ રાજકીય પક્ષોના નેતાઑના ગુજરાત પ્રવાસ વધી રહ્યા છે. તેવામાં ભાજપના પણ અનેક નેતાઓએ ગુજરાતમાં આવાગમન કરી રહ્યા છે.  તેવામાં રાષ્ટ્રીય ભાજપના પૂર્વ ઉપાધ્યક્ષ, યુપીના પૂર્વ ડેપ્યુટી સીએમ અને ગુજરાત ભાજપના પૂર્વ પ્રભારી ડો.દિનેશ શર્માએ પણ છેલ્લા કેટલાક દિવસથી ગુજરાતમાં વિવિધ સમાજના કાર્યકર્તાઓ,બુદ્ધિજીવીઓએ બેઠકો શરૂ કરી છે. 

ગુજરાતની ચૂંટણીમાં ઔતિહાસિક પરિણામો આવશેઃ ડો.દિનેશ શર્મા
આજે VTV સાથેની વાતચિતમાં  ડો.દિનેશ શર્માએ દાવો કર્યો હતો કે ગુજરાતની ચૂંટણીના પરિણામો ઐતિહાસિક રહેશે. અત્યાર સુધીમાં ગુજરાતમાં ભાજપને મળેલી સીટો અને વોટ શેર રેકોર્ડ તોડશે. તો સાથે સાથે વિપક્ષ પર ચાબખા માર્યા હતા. તેમણે પ્રહાર કરતા જણાવ્યું કે કોંગ્રેસ-AAP લગ્નમાં ઢોલવાળા જેવી રીતે આવીને ઢોલ વગાડીને જતા રહે છે.
 
ગુજરાતની ચૂંટણીમાં ઔતિહાસિક પરિણામો આવશેઃ ડો.દિનેશ શર્મા
વધુમાં તેમણે ઉમેર્યું કે હું પ્રભારી રહ્યો છું,  હું ગુજરાતની રાજનીતિ સમજૂ છું. ચૂંટણી આવે એટલે કોંગ્રેસ અને AAP સક્રિય થઇ જાય છે અને હારીને પરત શાંત બેસી જાય છે.  યુપીમાં પણ ચૂંટણી સમયે કોંગ્રેસ-AAP આવ્યા હતા. ત્યારબાદ યુપીમાં પણ ચૂંટણી સમયે કોંગ્રેસ-AAPનો સફાયો થઈ ગયો હતો. તેમ ડો.દિનેશ શર્માએ અંતમાં ઉમેર્યું હતું.