તમારા કામનું / નો ટેન્શન.! આ નેશનલ બેન્કના ગ્રાહકો માટે ખુશખબર, હવે ક્રેડિટ કાર્ડથી પણ કરી શકાશે UPI પેમેન્ટ, જાણો કેવી રીતે

• ક્રેડિટ કાર્ડથી પણ કરી શકાશે UPI પેમેન્ટ.
• બેન્ક ઓફ બરોડાનું રૂપે ક્રેડિટ કાર્ડ UPI સાથે લિંક કરી શકાશે.
• માત્ર મર્ચન્ટ યુપીઆઈ કયુઆર કોડ સ્કેન કરી શકાશે. 

જો તમારું ખાતું બેન્ક ઓફ બરોડા (bank of baroda) માં છે, તો તમારા માટે સારા સમાચાર છે. ભીમ (BHIM), પેટીએમ (Paytm), પેઝૈપ, મોબિક્વિક, ફ્રીચાર્જ જેવી એપ્લિકેશન પર બેન્ક ઓફ બરોડાનું રૂપે ક્રેડિટ કાર્ડ (Rupay Credit card) લાઈવ થઈ ગયેલ છે. જેથી હવે તમે બેન્ક ઓફ બરોડાનું રૂપે ક્રેડિટ કાર્ડ આ એપ્લિકેશનની UPI સાથે લિંક કરી શકો છો. જેની મદદથી તમે કરિયાણા સ્ટોર પર UPI ક્યુઆર કોડ સ્કેન કરીને ચૂકવણી કરી શકો છો.

ગયા વર્ષે રૂપે ક્રેડિટ કાર્ડ ઓન યુપીઆઈ સુવિધાની શરૂઆત થઈ હતી. આ રૂપે ક્રેડિટ કાર્ડની મદદથી તમે માત્ર મર્ચન્ટ યુપીઆઈ કયુઆર કોડ સ્કેન કરીને જ ચૂકવણી કરી શકો છો. પીટુપી પેમેન્ટ કરી શકાશે નહીં. બેન્ક ઓફ બરોડા, HDFC બેન્ક, પંજાબ નેશનલ બેન્ક, યુનિયન બેન્ક ઓફ ઇન્ડિયા ઇન્ડિયન બેન્ક, અને કેનેરા બેન્કના રૂપે ક્રેડિટ કાર્ડ હોલ્ડર્સ ભીમ, પેટીએમ, ફ્રીચાર્જ જેવી યુપીઆઈ એક સાથે લીંક કરી શકાય છે.

ભીમ, પેટીએમ, મોબિક્વિક, ફ્રીચાર્જ જેવી એપ્લિકેશન પર છ બેન્કના રૂપે ક્રેડિટ કાર્ડ લાઈવ થઈ ગયેલ છે. ભવિષ્યમાં તમે અન્ય યુપીઆઈ એપ્લિકેશનથી પણ રૂપે ક્રેડિટ કાર્ડ લિંક કરી શકશો. બેન્ક ઓફ બરોડા, HDFC બેન્ક, પંજાબ નેશનલ બેન્ક, યૂનિયન બેન્ક ઓફ ઈન્ડિયા, ઇન્ડિયન બેન્ક અને કેનેરા બેન્કના ક્રેડિટ કાર્ડ હોલ્ડર્સ પોતાના કાર્ડને UPI એપ સાથે લિંક કરી શકે છે.

રૂપે ક્રેડિટ કાર્ડ ભીમ એપ્લિકેશન સાથે લિંક કેવી રીતે કરવું

• સૌથી પહેલા ભીમ એપ્લિકેશન ઓપન કરો.
• હવે લિંક્ડ બેન્ક એકાઉન્ટ પર ક્લિક કરો.
• ત્યારબાદ + પર ક્લિક કરવાથી એડ એકાઉન્ટમાં બે ઓપ્શન જોવા મળશે, બેન્ક એકાઉન્ટ અને ક્રેડિટ કાર્ડ.
• ક્રેડિટ કાર્ડ પર ક્લિક કર્યા બાદ સંબંધિત કાર્ડ પર ક્લિક કરવાથી તમારા મોબાઇલ નંબર સાથે જે ક્રેડિટ કાર્ડ લિંક થયેલ છે તેની ડિટેલ જોવા મળશે. 
• હવે ક્રેડિટ કાર્ડના છેલ્લા છ અંક ડાયલ કરો અને વેલિડિટી એન્ટર કરો.
• હવે મોબાઈલમાં આવેલ OTP એન્ટર કરો.
• UPI પિન બનાવો, આ પ્રકારે રજીસ્ટ્રેશન પ્રોસેસ પૂર્ણ થઈ જશે.
• મર્ચન્ટ UPI ક્યુઆર કોડ સ્કેન કરો અને રૂપે ક્રેડિટ કાર્ડ સિલેક્ટ કરીને UPI પીન એન્ટર કરીને પેમેન્ટ કરી શકો છો.