બિઝનેસ / કોરોનાની દવા બનાવીને ભારતની આ કંપની થઈ માલામાલ, આજનો શેરનો ભાવ જાણીને ચોંકી જશો

•  ગ્લેનમાર્ક ફાર્માસ્યુટિકલ્સના શેરમાં ઉછાળો 
• 40 ટકા સુધી વધ્યો શેરનો ભાવ

કંપનીની આ સફળતાથી સોમવારે ગ્લેનમાર્કના શેરમાં મોટો ઉછાળો નોંધાયો હતો. રોકાણકારો સુધઈ આ સમાચાર પહોંચી ચુક્યા છે કે, ગ્લેનમાર્કને કોરોના વાયરસની દવા બનાવવા અને વેચવાની મંજૂરી પ્રાપ્ત થઇ ચુકી છે. સોમવારે ગ્લેનમાર્કના શેરમાં એકતરફી ઉછાળો નોંધાયો હતો. 

શેરમાં આવ્યો ઉછાળો 

હકીકતમાં, ગ્લેનમાર્કનો શેર શુક્રવારે 409.35 રૂપિયા પર બંધ રહ્યો હતો અને સોમવારે 10 ટકા ઉછળીને 450.25 રૂપિયા પર ખુલી ગયો છે. ત્યારબાદ, તેના શેરના ભાવ 15 મિનિટના વેપારમાં 470 રૂપિયા પર પહોંચ્યા, જે પછી એક કલાક માટે ટ્રેડિંગ બંધ કરી દેવામાં આવ્યું. ત્યારબાદ રાત્રે 10.30 વાગ્યે ટ્રેડિંગ શરૂ થઇ તો 20 ટકા પર સર્કિટ લાગી ગઇ. 

શેરના ભાવમાં 40 ટકાનો ઉછાળો 

આ પછી આ શેરની અપર સર્કિટ ફરી 40 ટકા થઈ ગઈ છે. રોકાણકારોએ આ સ્ટોક ખરીદી કરવા તૂટી પડ્યા છે. બીએસઈ પર સવારે 11:36 વાગ્યે ગ્લેનમાર્કનો શેર 35 ટકા વધીને રૂ. 552 પર પહોંચી ગયો. ઇન્ટ્રાડે દરમિયાન શેર  573 રૂપિયાના સ્તરને સ્પર્શ્યો હતો.

13 માર્ચે 161.65 થયો હતો 

આ પહેલા શુક્રવારે ગ્લેનમાર્ક ફાર્માના શેરમાં ઉછાળો જોવા મળ્યો હતો જે વધીને 409.30 રૂપિયા પર બંધ થયો હતો. આ શેરના 52 અઠવાડિયાનો ઉછાળો 528.05 રૂપિયા નોંધાયો. જ્યારે આ દરમિયાન ન્યૂનતમ ભાવ 161.65ના સ્તર સુધી 13 માર્ચ 2020ના રોજ પહોંચ્યો હતો 

ગ્લેનમાર્ક કંપનીની દવાને મળી મંજૂરી 

નોંધપાત્ર વાત એ છે કે, ડ્રગ્સ કન્ટ્રોલર જનરલ ઓફ ઈન્ડિયા (DCGI)ની મેન્યુફેક્ચરિંગ અને માર્કેટિંગની મંજૂરી મળ્યા પછી, દવા કંપની ગ્લેનમાર્ક ફાર્માસ્યુટિકલ્સએ કોરોના વાયરસથી પીડિત દર્દીઓની સારવાર માટે FabiFlu નામથી એન્ટિવાયરલ ડ્રગ ફેવિપીરવીર શરૂ કરી છે.

દવાની એક ટેબ્લેટની કિંમત 103 રૂપિયા 

આ દવાની એક ટેબ્લેટની કિંમત 103 રૂપિયા છે. ગ્લેનમાર્કને 19 જૂને સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (સીડીએસકો) દ્વારા ફેવિપીરવીર અથવા ફેબીફ્લુના ઉત્પાદન અને બજાર માટે મંજૂરી આપવામાં આવી છે.