આરાધના / મનોકામના થશે પૂર્ણ: માં લક્ષ્મીનું આ વ્રત કરવાથી વધશે સમૃદ્ધી, સોનુ ખરીદવાથી થશે મહાલાભ

• માં લક્ષ્મીનું આ વ્રત છે ખૂબ જ ખાસ
• વિધિ-વિધાન પૂર્વક પૂજા કરવાથી દરેક સુખની થાય છે પ્રાપ્તિ
• ભક્તોની સર્વે મનોકામનાઓ થાય છે પૂર્ણ

17 સપ્ટેમ્બરે છે ગજ લક્ષ્મી વ્રત 

દર વર્ષે ભાદરવાના શુક્લ પક્ષની આઠમની તિથીના રોજ રાધાષ્ટમીનુ પર્વ મનાવવામાં આવે છે અને આ દિવસથી મહાલક્ષ્મી વ્રતની શરૂઆત થાય છે. આ વખતે મહાલક્ષ્મી વ્રત 3 સપ્ટેમ્બરથી શરૂ થયુ હતુ અને 17 સપ્ટેમ્બર સુધી ચાલશે. આ 16 દિવસનુ વ્રત માં લક્ષ્મીને સમર્પિત હોય છે. જેના છેલ્લા દિવસે ગજ લક્ષ્મી વ્રત રાખવામાં આવે છે. ઉલ્લેખનીય છે કે આસો મહિનાના કૃષ્ણ પક્ષની આઠમની તિથિએ ગજ લક્ષ્મી વ્રત રાખવામાં આવશે. જે આ વખતે 17 સપ્ટેમ્બરે છે અને 18 સપ્ટેમ્બરેે વ્રતનુ ઉત્થાપન કરવામાં આવે છે. 

ગજ લક્ષ્મી વ્રત કરવાથી ભક્તોની સર્વે મનોકામના થાય છે પૂર્ણ

ધાર્મિક માન્યતા છે કે ગજ લક્ષ્મી વ્રતના દિવસે માં લક્ષ્મી હાથી પર બિરાજમાન થઇને આવે છે. આ દરમ્યાન માં લક્ષ્મીની વિધિ-વિધાન પૂર્વક પૂજા કરવાથી અને વ્રત વગેરે કરવાથી ભક્તોની બધી મનોકામનાઓ પૂર્ણ થાય છે અને માં લક્ષ્મીની કૃપા પ્રાાપ્ત થાય છે. આવો જાણીએ મહાલક્ષ્મી વ્રત અંગે અમુક જરૂરી વાતો.     

ગજ લક્ષ્મી વ્રતનુ મહત્વ 

ગજ લક્ષ્મી વ્રત માં લક્ષ્મીને સમર્પિત છે. આ દિવસે ધનની દેવી માં લક્ષ્મીની વિધિ વિધાનપૂર્વક પૂજા કરવામાં આવે છે. 16 દિવસના માં લક્ષ્મીના વ્રતનો આ છેલ્લો દિવસ હોય છે. આ દિવસે રાત્રિના સમયે ચંદ્રને વંદન કરવામાં આવે છે. માન્યતા છે કે આ દિવસે વ્રત રાખનારા જાતકોને અન્ન ગ્રહણ કરવાનુ હોતુ નથી. તેનાથી પ્રસન્ન થઇને માં લક્ષ્મી પોતાની કૃપા વરસાવે છે. આ દિવસે વ્રત કરવાથી જાતકને સુખ-સમૃદ્ધી, ધન-ધાન્ય, સંતાન વગેરેની પ્રાપ્તિ થાય છે. 

આ દિવસે સોનુ ખરીદવુ શુભ મનાય છે 

ધનની દેવી માં લક્ષ્મીને લઇને માન્યતા છે કે જે પણ જાતક પોતાના સાચા મન અને સંપૂર્ણ શ્રદ્ધાની સાથે માં લક્ષ્મીની પૂજા કરે છે, તેઓ રંકમાંથી રાજા બની જાય છે. ધાર્મિક માન્યતા છે કે ગજ લક્ષ્મી વ્રતના દિવસે સોનુ ખરીદવુ શુભ માનવામાં આવ્યું છે. એવુ માનવામાં આવે છે કે આ દિવસે સોનુ ખરીદવાથી તેમાં 8 ગણી વધારે વૃદ્ધી થાય છે. આ દિવસે ગજ લક્ષ્મી વ્રત 17 સપ્ટેમ્બરે છે, જેને મહાલક્ષ્મી વ્રતના નામથી પણ ઓળખવામાં આવે છે. આ 16 દિવસના વ્રતનુ ઉત્થાપન 17મા દિવસે કરવામાં આવે છે.