રાજનીતિ / દિવાળીના દિવસે ગુજરાતના રાજકારણમાં 'ધમાકો': AAPનું ઝાડુ છોડી નિખિલ સવાણીએ ધારણ કર્યો કેસરીયો

• નીખિલ સવાણી ભાજપમાં જોડાયા
• દિવાળીના પર્વ પર નીખિલ સવાણીએ કેસરિયો કર્યો ધારણ
• સી.આર.પાટીલની હાજરીમાં નીખિલ સવાણી ભાજપમાં જોડાયા

Nikhil Sawani joins bjp: દિવાળીના તહેવાર પર ગુજરાતના રાજકારણમાં ફરી એકવાર ગરમાવો આવ્યો છે. નીખિલ સવાણીએ આમ આદમી પાર્ટીને બાય બાય કઈ દીધું છે અને કેસરીયા કર્યા છે. સી.આર.પાટીલની હાજરીમાં નીખિલ સવાણી ભાજપમાં જોડાયા છે. અત્રે જણાવીએ કે, ગઈકાલે AAPના તમામ પદ પરથી તેમણે રાજીનામું આપ્યું હતું.

આજરોજ દિવાળીના શુભ દિવસે @BJP4Gujarat ના પ્રદેશ અધ્યક્ષ શ્રી @CRPaatil સાહેબના વરદ હસ્તે હું ભારતીય જનતા પાર્ટી પરિવારમાં શામિલ થયો છું. pic.twitter.com/rFdZglNiYG

— Nikhil Savani (@NikhilSavani_) November 12, 2023

AAPના તમામ પદ પરથી આપ્યું હતુ રાજીનામું
લોકસભાની ચૂંટણી પહેલા ગુજરાતના રાજકારણમાં ઉથલ પાથલની રાજનીતિ ફરી એકવાર શરૂ થઈ ગઈ છે. ગુજરાતના આમ આદમી પાર્ટીના કદાવર નેતા નીખિલ સવાણીએ ગઈકાલે આપના તમામ પદો પરથી રાજીનામુ ધરી દીધું હતું. ત્યારે તેમણે આજે સી આર પાટીલના હસ્તે ભાજપનો ખેસ ધારણ કર્યો છે.

ઘર વાપસી કરી નીખિલ સવાણીએ
અત્રે જણાવીએ કે, નીખિલ સવાણી 2017ની વિધાનસભા ચૂંટણી પહેલા ભાજપમાંથી રાજીનામુ આપ્યું હતું અને તે સમય તેમણે ભાજપ પર ગંભીર આરોપો પણ લગાવ્યા હતા. તેમણે એક નિવેદનમાં કહ્યું હતું કે, જે પાટીદારોને સાથ આપશે તેમાં જોડાશે. ત્યારબાદ તેઓ કોંગ્રેસમાં જોડાયા હતા. જેમાં કોંગ્રેસે તેમને ગુજરાત યુથ કોંગ્રેસના ઉપ પ્રમુખનો પદ આપ્યો હતો. તેમનું ગજગ્રાહ થતાં તેમને કોંગ્રેસમાંથી સસ્પેન્ડ કરવામાં આવ્યા હતા, તેઓ ખૂદ કોંગ્રેસ સાથે છેડો ફાડ્યો તેમ તેમણે કહ્યું હતું. બાદમાં તેઓ જાડુના સાહારે ગયા અને પછી ફરી ભાજપમાં ઘર વાપસી કરી છે.