ગુડ ન્યૂઝ / 2004 પછી પહેલીવાર અમદાવાદમાં ખાનગી ટ્રાવેલ્સના જાહેરનામામાં થયો મોટો ફેરફાર, શહેરમાં પ્રવેશનો સમય વધારી દેવાયો, જુઓ કેટલો

• અમદાવાદ શહેરમાં ખાનગી ટ્રાવેલ્સના જાહેરનામામાં થયો ફેરફાર
• શહેર કમિશનર અને DCP સફિન હસન સાથે ટ્રાવેલ્સ વિભાગે કરી હતી બેઠક
• 2004 પછી પહેલી વાર જાહેરનામામાં કરાયો ફેરફાર

અમદાવાદમાં ખાનગી ટ્રાવેલ્સનાં જાહેરનામામાં ફેરફાર થયો છે. જેમાં ખાનગી ટ્રાવેલ્સનાં જાહેરનામામાં ફેરફાર કરવામાં આવ્યો છે. શહેર કમિશ્નર અને DCP સફિન હસને ટ્રાવેલ્સ વિભાગ સાથે બેઠક કર્યા બાદ આ નિર્ણય કર્યો છે. ત્યારે નવા જાહેરનામામાં રાત્રે 10 થી સવારે 8 વાગ્યા સુધી ટ્રાવેલ્સ બસને મંજૂરી મળી છે. પહેલા શહેરમાં રાત્રે 11 થી સવારે 7 વાગ્યા સુધી પ્રવેશ કરવાનો સમય હતો. જે બદલવામાં આવ્યો છે. ત્યારે 2004 પછી પહેલી વાર જાહેરનામામાં ફેરફાર કરવામાં આવ્યો છે.

અમદાવાદ ખાનગી ટ્રાવેલ્સને લઈને મોટા સમાચાર, શહેરમાં ખાનગી ટ્રાવેલ્સના જાહેરનામામાં થયો ફેરફાર, રાત્રે 10થી સવારે 8 વાગ્યા સુધી ટ્રાવેલ્સ બસને મંજૂરી, પહેલા રાત્રે 11 થી સવારે 7 વાગ્યા સુધી હતો સમય#vtvgujarati #travelling #news #breakingnews #ahmedabad pic.twitter.com/p2U9uPxuij

— VTV Gujarati News and Beyond (@VtvGujarati) March 2, 2023

અમદાવાદમાં ટ્રાવેલ્સ એસોસિએશને પણ ઉઠાવી પોતાની માંગ
અમદાવાદમાં ટ્રાવેલ્સ એસોસિએશને પણ પોતાની માંગ ઉઠાવી છે. એસોસિએશન દ્વારા બસને શહેરમાં રાત્રે 9.30થી સવારે 8 વાગ્યા સુધી અને બપોરે 1થી 4 પ્રવેશવા દેવાની મંજૂરી આપવા માંગ કરાઈ રહી છે. તેઓએ જણાવ્યું છે કે, પ્રશ્નનું નિરાકરણ નહીં આવે તો સુરતની જેમ અમદાવાદમાં બસ રિંગ રોડ પર ઉભી રાખી દેવામાં આવશે. તેઓએ ચીમકી ઉચ્ચારતા જણાવ્યું છે કે, જો તેમની માંગ નહીં સંતોષાય તો 28 તારીખે અમદાવાદ શહેરમાં ટ્રાવેલ્સ બસ શહેરની અંદર લાવવામાં આવશે નહીં. રિંગ રોડથી પેસેન્જરે જાતે પોતાની વ્યવ્સ્થા કરવાની રહેશે. મહત્વનું છે કે, અત્યારે અમદાવાદમાં રાત્રે 11થી સવારે 7 સુધી જ બસને પ્રવેશ મળે છે.