BIG BREAKING / ભાજપ માટે સૌરાષ્ટ્રથી પહેલી ગુડ ન્યૂઝ! દિગ્ગજ નેતાએ નોંધાવી જીત

• જસદણ બેઠકના ભાજપના ઉમેદવાર કુંવરજી બાવળિયાની જીત 
• આ બેઠક પર વર્ષ 1995થી કુંવરજી બાવળિયાનો દબદબો રહ્યો
• જસદણ બેઠક એટલે કુંવરજી બાવળીયા અને કુંવરજી બાવળીયા એટલે જસદણ 

સૌરાષ્ટ્રની જસદણ બેઠકના ભાજપના ઉમેદવાર કુંવરજી બાવળિયાની જીત થઈ છે. ગુજરાત વિધાનસભાની ચૂંટણીમાં 1 ડિસેમ્બરે પહેલાં તબક્કાનું અને 5 ડિસેમ્બરે બીજા તબક્કાનું મતદાન થયું હતું. જ્યારે આજે 8 ડિસેમ્બરે મતગણતરી હાથ ધરવામાં આવી હતી. સૌરાષ્ટ્રની હોટ સીટ ગણાતી આ બેઠક પર વર્ષ 1995થી કુંવરજી બાવળિયાનો દબદબો રહ્યો છે વચ્ચે વર્ષ 2009 અને 2012 બાદ કરતા. આ બેઠક પર આ વખતે ચૂંટણી જંગમાં ભાજપે કુંવરજી બાવળીયાને તો કોંગ્રેસે ભોળા ગોહિલને અને આમ આદમી પાર્ટીએ તેજસ ગાજીપરાને રાજકીય મેદાનમાં ઉતાર્યા હતાં. 

જસદણનો રાજકીય ઈતિહાસ

જસદણ બેઠક એટલે કુંવરજી બાવળીયા અને કુંવરજી બાવળીયા એટલે જસદણ ઓળખાતી આ બેઠકનો રાજકીય ઈતિહાસ પણ જબરજસ્ત છે. આ બેઠક પર 1995થી 2017ની વાત કરીએ તો 1995થી 2007  પંજાના નિશાન પર કુંવરજી બાવળીયા જીત્યા હતા તો 2009ની પેટા ચૂંટણીમાં ભાજપે બાજી પલટી અને તેમના ઉમેદવાર ભરત બોઘરા જીત્યા હતા ત્યાર બાદ 2012ની વિધાનસભાની ચૂંટણીમાં  કોંગ્રેસના ઉમેદવાર ભોળાભાઈ ગોહિલ વિજય થયા હતા તેમજ 2017માં કોંગ્રેસમાંથી ફરી  કુંવરજી બાવળિયા જીત્યા હતાં. તેમજ 2018માં કોંગ્રેસમાંથી રાજીનામુ ધરીને ભાજપનો ખેસ ધારણ કર્યો અને ફરી 2018ની પેટા ચૂંટણીમાં જીત મેળવી હતી.  અત્રે ઉલ્લખનીય છે કે, પેટા ચૂંટણીમાં કુંવરજી બાવળીયા 19 હજાર કરતાં વધારે મતની સરસાઈથી જીત થઈ હતી અને તેમને 90,268 મત મળ્યા હતા.

આ બેઠકના જાતિગત સમીકરણો

આ બેઠક પર લેઉવા પટેલ, કોળી, કડવા પટેલ, ક્ષત્રીય, માલધારી, દલિત દબદબો છે. તેમજ જસદણમાં લગભગ 2 લાખ 28 હજાર મતદારો છે જેમાં પુરૂષ 1 લાખ 8 હજાર જેટલા અને મહિલા મતદાર 1 લાખ 20 છે. આ બેઠક પર 35 ટકા કોળી, 20 ટકા પટેલ તેમજ 10 ટકા દલિત અને 7 ટકા લઘુમતી, 7 ટકા કડવા પટેલ, 8 ટકા ક્ષત્રીય અને બીજા અન્ય મતદારો છે.