વટ છે VIP નો / આટલામાં તો કારનું આખું શૉ-રૂમ આવી જાય! દુનિયાની સૌથી મોંઘી નંબર પ્લેટની કિંમત જાણી આંખો પહોળી થઈ જશે

• દુનિયાનો સૌથી મોંઘો કાર નંબર
• કિંમત જાણીને ચોંકી જશો
• જેના માટે તમારે મોટી રકમ ચૂકવવી પડશે

વિશ્વની સૌથી મોંઘી નંબર પ્લેટ કઈ છે?

દરેક વ્યક્તિ ઈચ્છે છે કે તેની કાર સ્પેશિયલ દેખાય. કારને જોઇને અંદાજ આવી જાય કે અંદર બેઠેલ શખ્સ કોઈ ખાસ વ્યક્તિ છે. મોટાભાગના લોકો પોતાની કારને અલગ બનાવવા માટે તેમાં મોડિફિકેશન કરાવે છે. જ્યારે અમુક લોકો આવુ કરવા માટે કાર માટે વીઆઈપી નંબર ખરીદે છે. અમુક લોકો તેને અનોખુ અને રસપ્રદ માને છે. જ્યારે અમુક લોકો એવી સંખ્યાને પસંદ કરે છે, જે તેના લકી નંબર અને જન્મ દિવસ સાથે જોડાયેલી હોય. ભારતમાં પણ વીઆઈપી નંબર પ્લેટનો એક અલગ ક્રેજ છે. જેના માટે તમારે એક મોટી રકમ ચૂકવવી પડે છે. પરંતુ શું તમને ખબર છે કે વિશ્વની સૌથી મોંઘી નંબર પ્લેટ કઈ છે અને તેની શું કિંમત છે. 

વિશ્વનો સૌથી મોંઘો કાર નંબર 

વિશ્વની સૌથી મોંઘી કાર નંબર F1 છે. જેની કિંમત આશરે 132 કરોડ રૂપિયા છે. F1 નંબર પ્લેટ વિશ્વભરમાં સૌથી પ્રસિદ્ધ મોટરસ્પોર્ટ ઈવેન્ટ ફોર્મ્યુલા 1 રેસિંગને દર્શાવે છે. યુકેની એક વ્યક્તિએ આ ખાસ નંબર પ્લેટ માટે આટલી મોટી રકમ ખર્ચ કરી છે. મહત્વનું છે કે યુનાઈટેડ કિંગડમમાં F1 રજીસ્ટ્રેશન નંબર પ્લેટ હંમેશા લોકપ્રિય રહી છે. આ નંબર માત્ર મર્યાદિત સમય માટે આપવામાં આવે છે. 

F1 સિવાય બીજા કોઈ અક્ષરનો ઉપયોગ કરાયો નથી

ખાસ વાત છે કે આ રજીસ્ટ્રેશન નંબરમાં F1 સિવાય બીજા કોઈ અક્ષરનો ઉપયોગ કરાયો નથી. આ વિશ્વમાં કોઈ વાહનના સૌથી નાના રજીસ્ટ્રેશન નંબરમાંથી એક છે. આ રજીસ્ટ્રેશન ઘણી હાઈ એન્ડ પર્ફોમન્સ કાર જેવી બુગાટી વેરોન, મર્સિડીઝ-મેકલારેન SLR વગેરેમાં જોવામાં આવ્યું છે.