મામલો / રાજકોટ કથિત લવ જેહાદના કિસ્સામાં ચોંકાવનારો ખુલાસો, ભોગ બનનાર યુવતીએ વીડિયો કર્યો જાહેર, કેસ ચુંથાયો

• રાજકોટમાં કથિત લવ જેહાદના કિસ્સામાં ખુલાસો
• ભોગ બનનાર યુવતી કોર્ટમાં થઇ હાજર 
• મારી સાથે ગેરકૃત્ય થયેલું નથી: યુવતી

તારી છોકરી 17 વર્ષની હતી ત્યારથી તેના પર બળાત્કાર ગુજારું છું, તારાથી થાય તે કરી લેજે’ આ શબ્દો છે રાજકોટમાં કોઠારિયા રોડ પર રહેતા અને ક્રિકેટ કોચિંગ ક્લાસ ચલાવતાં મહેબૂબ બુખારીના. આ વિકૃત માનસિકતા ધરાવતા અને કોમવાદી તત્ત્વ એવા આ ઇસમે કુંડલિયા કોલેજમાં ભણતી 17 વર્ષની સગીર બાળાને 6 વર્ષ પહેલાં પ્રેમજાળમાં ફસાવી હતી.

4 વર્ષ પહેલા કોચિંગમાં જતી હતી સગીરા
આજે 23 વર્ષની બનેલી સગીરા પરિવારને છોડીને જતી રહી હતી. જેને પાછી લાવવા માટે સમાજના લોકો સાથે યુવતીના માતા-પિતાએ પોલીસ કમિશનરને રજૂઆત કરી હતી. જે બાદ મહેબૂબ બુખારીને ઝડપી પાડી પોલીસે તપાસ હાથ ધરી છે. જ્યારે તેના માતા-પિતા ગંભીર આક્ષેપો લગાવી રહ્યા છે.  જોકે માતા-પિતાના મહેબૂબ બુખારી પર આક્ષેપ બાદ યુવતી કોર્ટમાં હાજર થઈ.

સગીરા કોર્ટમાં થઈ હાજર 
યુવતીએ તો પોતાના માતા-પિતાને જ ખોટા ગણાવ્યા છે સાથે જ મહેબૂબ બૂખારી પર લાગેલા આક્ષેપો પણ ખોટા ગણાવ્યા છે. જોકે અહીં યુવતી સાચી છે તો કેમ પોતાના માતા-પિતા સામે નથી આવતી..? શું યુવતી કોઈના દબાણમાં આ પ્રકારનું નિવેદન આપી રહી છે..? હાલ તો અનેક સવાલો છે. તેવામાં જોવાનું એ રહેશે કે, સમાજના આગેવાનોની રજૂઆત બાદ રાજકોટ પોલીસની તપાસમાં શું સામે આવે છે.