ચિંતાજનક સમાચાર / એક જ મહિનામાં અમદાવાદમાં સ્વાઇન ફ્લૂના 30 કેસથી ટેન્શન વધ્યું, મેલેરિયા-ડેન્ગ્યુના પણ ચોંકાવનારા આંકડા

• અમદાવાદમાં રોગચાળાએ વધારી ચિંતા
• જુલાઇ મહિનામાં કેસો વધ્યા
• સ્વાઇન ફ્લૂના 30 કેસો નોંધાયા

રાજ્યમાં વરસાદી માહોલ જામ્યો છે. ખેતીલાયક વરસાદ થતા ખેડૂતો ખુશ થયા છે તો બીજી તરફ વરસાદને કારણે મચ્છરજન્ય રોગોમાં વધારો થઇ રહ્યો છે. જ્યાં ત્યાં પાણી ભરાવાને કારણે તથા ગંદકીને કારણે મચ્છરોનો ઉપદ્રવ વધતા રોગચાળો વકર્યો છે. ત્યારે અમદાવાદની વાત કરીએ તો અમદાવાદમાં જુલાઇ માસમાં રોગચાળો વકર્યો. 

એક મહિનામાં સ્વાઇનફ્લૂના 30 કેસ

જુલાઇ મહિનામાં સ્વાઇન ફ્લૂના કેસમાં ચિંતા જનક વધારો નોંધાયો છે.એક જ મહિનામાં સ્વાઇનફ્લૂના 30 કેસ નોંધાયા છે. પાણી જન્ય અને મચ્છર જન્ય રોગચાળો વકર્યો છે.  તેમાં પણ વટવા, લાંભા, સરસપુર વિસ્તારમાં સૌથી વધુ ટાઇફોઇડ અને કમળાના કેસો નોંધાયા છે. VS, LG હોસ્પિટલ અને શારદાબેન હોસ્પિટલમાં દર્દીઓને સારવાર લઇ રહ્યા છે જ્યારે મોટાભાગના દર્દીઓ હોમ આઇસોલેશન હેઠળ છે. તો સોલા સિવિલ હોસ્પિટલમાં સ્વાઇન ફ્લૂના કારણે એક દર્દીનું મોત પણ નીપજ્યુ હોવાનું સામે આવ્યું છે. 

અમદાવાદમાં જુલાઇ માસમાં નોંધાયેલી બીમારી

તો બીજી તરફ અમદાવાદમાં કોરોનાના દૈનિક કેસોમાં પણ વધારો થઇ રહ્યો છે.  કોરોનાને લઇ 2 હજાર 500 સેમ્પલ લેવાની કામગીરી કરવામાં આવી રહી છે. 
2 હજાર 500 સેમ્પલોમાં 9 ટકા કેસો પોઝિટિવ આવી રહ્યા છે. 

વડોદરામાં રોગચાળો બેકાબૂ

આ તરફ વડોદરામાં રોગચાળો બેકાબૂ બનતા આરોગ્ય વિભાગ એક્શનમાં આવ્યું છે.  હેલ્થ સેન્ટરોની ટીમો દ્વારા વિવિધ વિસ્તારોમાં સઘન કામગીરી કરવામાં આવી રહી છે.  અકોટા રામપુરામાં આવાસના મકાનો ખાતે આરોગ્ય ટીમ દ્વારા  ફોગિંગ, દવાનો છંટકાવ, પોરા નાશક કામગીરી શરૂ કરવામાં આવી છે. વિવિધ વિસ્તારોમાં સ્વચ્છતા કરી જંતુનાશક દવા નાંખવામાં આવી રહી છે.  મેલેરિયા, કોલેરા, વાયરલ ફીવરના કેસો વધતા તંત્ર દોડતુ થયું છે.  વડોદરામાં અત્યારસુધી ડેન્ગ્યુના 147, ચિકનગુનિયાના 181 કેસ નોંધાયા છે જ્યારે  વાયરલ ફીવરના 3717, કોલેરાના 21 કેસ નોંધાયા છે.