8 ફોટો ગેલેરી

તમારા કામનું / હવેથી વારંવાર નહીં ઉપાડી શકો PFના રૂપિયા, બદલાયો EPFOનો આ નિયમ

Last Updated: 08:13 PM, 14 October 2026

FOLLOW ON

શેર કરો

કર્મચારી ભવિષ્ય નિધિ સંગઠન (EPFO) એ પીએફ એડવાન્સ ઉપાડના નિયમોમાં મોટો ફેરફાર કરીને વિવિધ જરૂરિયાતો માટે વિડ્રોઅલની મર્યાદા નક્કી કરી દીધી છે.

1/8

1. હવેથી વારંવાર નહીં ઉપાડી શકો PFના રૂપિયા, બદલાયો EPFOનો આ નિયમ

જો તમે પણ નાની-મોટી જરૂરિયાતો માટે વારંવાર તમારા પીએફ (PF) એકાઉન્ટમાંથી પૈસા ઉપાડો છો, તો તમારા માટે આ મહત્વના સમાચાર છે. કર્મચારી ભવિષ્ય નિધિ સંગઠન (EPFO) એ એડવાન્સ પીએફ ઉપાડના નિયમોમાં સુધારો કરીને દરેક કેટેગરી માટે વિડ્રોઅલ લિમિટ નક્કી કરી દીધી છે. આ નવી માર્ગદર્શિકાનો મુખ્ય હેતુ સભ્યો પોતાની ઈમરજન્સી અને અન્ય જરૂરિયાતો માટે પીએફ બચતનો ઉપયોગ કેટલી વાર કરી શકે તેની સ્પષ્ટતા લાવવાનો છે.

આ તસવીર શેર કરો

2/8

2. મુખ્યત્વે ત્રણ કેટેગરીમાં વહેંચવામાં આવ્યું

EPFO દ્વારા જારી કરાયેલી નવી ગાઈડલાઈન મુજબ એડવાન્સ વિડ્રોઅલને મુખ્યત્વે ત્રણ કેટેગરીમાં વહેંચવામાં આવ્યું છે: આવશ્યક જરૂરિયાતો, મકાન સંબંધી જરૂરિયાતો અને સ્પેશિયલ કંડિશન. આ ત્રણેય કેટેગરીમાં સભ્યો દ્વારા કરવામાં આવતા વિડ્રોઅલ ટ્રાન્ઝેક્શનની સંખ્યા પર અલગ-અલગ મર્યાદાઓ લાદવામાં આવી છે.

આ તસવીર શેર કરો

3/8

3. શિક્ષણ માટે (10 વાર)

સભ્યો પોતાના અથવા પોતાના પરિવારના સભ્યોના શિક્ષણ સંબંધી ખર્ચાઓ માટે પોતાની આખી ઈપીએફ સર્વિસ દરમિયાન મહત્તમ 10 વાર પીએફ માંથી એડવાન્સ રકમ ઉપાડી શકશે.

આ તસવીર શેર કરો

4/8

4. મેડિકલ અને બીમારી માટે (કોઈ મર્યાદા નહીં)

કેટેગરી-1 હેઠળ આવશ્યક જરૂરિયાતો સામેલ છે. જેમાં સભ્ય પોતે અથવા પોતાના પરિવાર માટે તબીબી સારવાર કે બીમારીના ખર્ચ માટે કોઈપણ મર્યાદા વગર ગમે તેટલી વાર પૈસા ઉપાડી શકે છે.

આ તસવીર શેર કરો

5/8

5. લગ્ન પ્રસંગ માટે (5 વાર)

લગ્ન સંબંધી ખર્ચાઓ માટે પીએફ સભ્ય પોતાની સંપૂર્ણ ઈપીએફ સભ્યપદ દરમિયાન મહત્તમ 5 વાર રકમ ઉપાડી શકશે. આ જોગવાઈ સભ્ય અને તેના પરિવાર બંને માટે લાગુ પડે છે.

આ તસવીર શેર કરો

6/8

6. ઘર કે મકાન માટે (5 વાર)

ઘર કે ફ્લેટ ખરીદવા, ઘરનું બાંધકામ કરાવવા, હોમ લોનની ચૂકવણી કરવા અથવા ઘરના રિન્યુએશન માટે સભ્યો પોતાની સર્વિસ દરમિયાન મહત્તમ 5 વાર પીએફમાંથી નાણાં ઉપાડી શકે છે.

આ તસવીર શેર કરો

7/8

7. સ્પેશિયલ કંડિશન (વર્ષમાં 2 વાર)

કેટેગરી-3 હેઠળ વિશેષ પરિસ્થિતિઓમાં સભ્યો એક વર્ષમાં મહત્તમ 2 વાર જ પીએફ ઉપાડ કરી શકશે.

આ તસવીર શેર કરો

8/8

8. 75% રકમ ક્યારે ઉપાડી શકાય?

EPFO એ વધુમાં સ્પષ્ટતા કરી છે કે, ઈપીએફઓ સભ્યપદના 12 મહિના પૂર્ણ થયા બાદ કર્મચારી વ્યાજ સાથે પોતાની જમા રકમના 75% સુધીનો ભાગ ઉપાડી શકે છે. ઈપીએફઓ દ્વારા કર્મચારીઓની નાણાકીય સ્થિતિ મજબૂત રહે અને તેઓને કોઈ કટોકટીના સમયે મુશ્કેલી ન પડે તે હેતુથી આ તમામ સુવિધાઓ અને લિમિટ્સ નક્કી કરવામાં આવી છે.

આ તસવીર શેર કરો

સંકળાયેલા મુદ્દાઓ

PFWithdrawal EPFO ProvidentFund