NULL / J&K: કુલગામના રેવનીમાં સેના-આતંકી વચ્ચે અથડામણ બે આતંકી ઠાર

જમ્મૂ-કશ્મીરમાં દિવસેને દિવસે આતંકીઓનો ત્રાસ વધી રહ્યો છે. દરરોજ જમ્મૂ-કશ્મીરમાં સેના અને આતંકીઓ વચ્ચે અથડામણની ઘટના સામે આવતી હોય છે. ત્યારે આજે પણ જમ્મૂ-કશ્મીરમાં સેના અને આતંકીઓ વચ્ચે અથડામણ થઈ.

જમ્મૂ-કશ્મીરના કુલગામમાં આવેલા રેડવની વિસ્તારમાં સેના અને આતંકીઓ વચ્ચે અથડામણ થતા સેનાએ બે આતંકીઓને ઠાર માર્યા છે. આ અથડામણમાં સેનાના એક જવાન પણ શહીદ થયા છે.

અથડામણ બાદ સેનાએ કુલગામમાં સર્ચ ઓપરેશન હાથ ધર્યું છે. આશંકા છે કે વધુ આતંકીઓ છૂપાયા હોઈ શકે છે. જેથી સેના દ્વારા આતંકીઓ વિરૂદ્ધ ઓપરેશન પણ હાથ ધરાયુ છે.

ઉલ્લેખનીય છે કે સેના દ્વારા હાલ ઘાટીમાં ઓલઆઉટ ઓપરેશન હાથ ધરવામાં આવ્યું છે. જેના કારણે ઘાટીમાં છૂપાયેલા આતંકીઓ છંછેડાયા છે. આજરોજ કુલગામના રેડવાની વિસ્તારમાં સેના અને આતંકીઓ વચ્ચે અથડામણના અહેવાલ પ્રાપ્ત થયા છે.

ઉલ્લેખનીય છે કે સેનાએ સોમવારે ગાંદરબલ જિલ્લામાં સર્ચ ઓપરેશન હાથ ધર્યું હતું જેમાં એક આતંકીની જગ્યાનો નાશ કરીને હથિયાર અને દારૂગોળાનો જથ્થો જપ્ત કર્યો હતો. સેનાને સૂચના મળી હતી કે આ વિસ્તારમાં આતંકીઓ છૂપાયા હતા. ત્યારબાદ સેના દ્વારા સર્ચ ઓપરેશન કરવામાં આવ્યું હતું.