ખુશખબર! / વધી જશે પેન્શનની રકમ, EPFO સબસ્ક્રાઈબર્સ માટે મોદી સરકાર લઈ શકે છે મોટો નિર્ણય

• EPFOના ગ્રાહકોને મોટો ફાયદો થઈ શકે છે 
• મોદી સરકાર લઈ શકે છે મોટો નિર્ણય 
• મહિને 9000 થઈ શકે છે પેન્શન 

કર્મચારી ભવિષ્ય નિધિ સંગઠનના ગ્રાહકોને મોટો ફાયદો થઈ શકે છે. તેના માટે સરકારની તરફથી તૈયારીઓ કરવામાં આવી રહી છે. જણાવવામાં આવી રહ્યું છે કે મિનિમમ પેન્શનને વધારી શકાય છે. હવે ન્યૂનતમ માસિક પેન્શન 1 હજાર રૂપિયાથી વધારીને 9000 રૂપિયા કરવામાં આવી શકે છે. 

Autonomous Body એટલે કે EPFOએ આ વાત પર નિર્ણય કરવાનો બાકી છે. સૂત્રો દ્વારા મળેલી જાણકારી અનુસાર, ફેબ્રુઆરી મહિનામાં શ્રમ મંત્રાલયની તરફથી મહત્વપૂર્ણ બેઠક થવાની છે. સંસદની સ્ટેન્ડિંગ કમિટીની ભલામણને ધ્યાનમાં રાખીને આ નિર્ણય કરવામાં આવી રહ્યો છે. 

ફેબ્રુઆરીમાં શ્રમ મંત્રાલયની બેઠક 
ફેબ્રુઆરીમાં થવા જઈ રહેલા શ્રમ મંત્રાલયની બેઠકમાં બે મહત્વપૂર્ણ મુદ્દાઓ પર ચર્ચા કરવામાં આવી શકે છે. તેમાં પહેલા તો ન્યૂ વેજ કોડને લાગુ કરવા પર નિર્ણય થઈ શકે છે. ત્યાર બાદ ન્યૂનતમ પેન્શન પર પણ સહમતિ દર્શાવવામાં આવી રહી છે. આશા કરવામાં આવી રહી છે કે લાંબા સમયથી ચાલી રહેલી કર્મચારી પેન્શન સ્કિમમાં મળતા Minimum pension પર નિર્ણય થઈ શકે છે. 

1,000 રૂપિયાથી વધીને 9,000 રૂપિયા સુધી ન્યૂનતમ પેન્શન 
રિટાયર્ડ કર્મચારી માટે મિનિમમ પેન્શન 1,000 રૂપિયાથી વધવાની માંગ સતત કરવામાં આવી રહી છે. લેબર મિનિસ્ટર ભૂપેન્દ્ર યાદવની અધ્યક્ષતામાં આ વાત પર ચર્ચા કરવામાં આવી શકે છે. માર્ચ 2021માં સંસદની સ્ટેન્ડિંગ કમિટીએ મિનિમમ પેન્શનની રકમને 1000 રૂપિયા વધારીને 3000 રૂપિયા સુધી કરવાની ભલામણ કરી છે. જોકે પેન્શનર્સની ડિમાન્ટ છે કે પેન્શન રાશિ ખૂબ જ ઓછી છે, તેને વધારીને ઓછામાં ઓછા 9,000 રૂપિયા કરવામાં આવે. ત્યારે જ યોગ્ય અર્થમાં EPS-95 પેન્શનર્સને ફાયદો મળશે. 

કર્મચારીઓનો મૌલિક અધિકાર છે પેન્શન 
5 રાજ્યોની હાઈ કોર્ટે પેન્શનને મૌલિક અધિકાર માન્યો છે. તેની સીલિંગને લઈને મામલો સુપ્રીમ કાર્ટોમાં વિચારાધીન છે. સીલિંગ હટાવી લેવામાં આવશે તો તેનો ફાયદો પેન્શનમાં મળશે, જોકે ડિમાન્ડ છે કે કર્મચારીના રિટાયરમેન્ટથી પહેલાની છેલ્લી સેલેરી અનુસાર પેન્શન નક્કી કરવું જોઈએ. શ્રમ મંત્રાલય આ મુદ્દા પર વિચાર કરી શકે છે.