મુશ્કેલી વધશે / Twitterનું 'X' નામ રાખવા પર વધી શકે છે એલન મસ્કની મુશ્કેલી, જાણો કારણ

• એલોન મસ્કે પોતાના સોશિયલ મીડિયા પ્લેટફોર્મ ટ્વિટરનું નામ બદલીને X કર્યું
• અન્ય મોટી ટેક કંપનીઓ પણ ઘણી પ્રોડક્ટ્સમાં X ટ્રેડમાર્કનો ઉપયોગ કરે છે
• આ નામથી મસ્કની મુશ્કેલીઓ વધી શકે અને તેમને કાયદાકીય અડચણો આવશે

દુનિયાના સૌથી અમીર વ્યક્તિ એલોન મસ્કે પોતાના સોશિયલ મીડિયા પ્લેટફોર્મ ટ્વિટરનું નામ બદલીને X કરી દીધું છે, પરંતુ આ નામથી મસ્કની મુશ્કેલીઓ વધી શકે છે. તેમને કાયદાકીય અડચણોનો સામનો કરવો પડી શકે છે. એક સમાચાર એજન્સીના અહેવાલમાં જણાવવામાં આવ્યું છે કે અન્ય મોટી ટેક કંપનીઓ જેમ કે મેટા અને માઇક્રોસોફ્ટ પણ તેમની ઘણી પ્રોડક્ટ્સમાં X (X) ટ્રેડમાર્કનો ઉપયોગ કરે છે. આ કારણોસર ટ્વિટર જે તાજેતરમાં x.comમાં બદલાઈ ગયું છે તેને x ટ્રેડમાર્કનો ઉપયોગ કરવા બદલ કાનૂની દાવમાં ફસાઈ શકે છે.

 

pic.twitter.com/IwcbqMnQtA

— Elon Musk (@elonmusk) July 23, 2023

ઘણી કંપનીઓ x ટ્રેડમાર્કનો ઉપયોગ કરે છે

x ટ્રેડમાર્કની યુએસમાં 900 થી વધુ નોંધણીઓ છે. કેટલીક કંપનીઓ પણ આ ટ્રેડમાર્કનો ઉપયોગ કરે છે.માઈક્રોસોફ્ટ તેની Xbox વીડિયો ગેમ સિસ્ટમ માટે 2003 થી x ટ્રેડમાર્કનો ઉપયોગ કરી રહી છે. મેટા પ્લેટફોર્મ X ટ્રેડમાર્કનો પણ ઉપયોગ કરે છે. કંપનીએ તેને 2019માં વાદળી અને સફેદ રંગમાં રજીસ્ટર કરાવ્યું હતું. ન્યૂઝ એજન્સીના અહેવાલમાં ટ્રેડમાર્ક વકીલને ટાંકવામાં આવ્યું હતું કે ટ્વિટર પર કંપની વતી દાવો દાખલ કરવામાં આવે તે 100 ટકા શક્ય છે. ટ્રેડમાર્ક કોઈપણ કંપની માટે ખૂબ જ મહત્વપૂર્ણ છે અને તે કંપનીને તેના બ્રાન્ડ નામ અને ટેગલાઈન વગેરે દ્વારા એક અલગ ઓળખ આપે છે.

 

Our headquarters tonight pic.twitter.com/GO6yY8R7fO

— Elon Musk (@elonmusk) July 24, 2023

ટ્વિટર બદલીને X કર્યું

ટ્વિટરને X.comમાં કન્વર્ટ કરવાની જાહેરાત ગઈકાલે કરવામાં આવી હતી. આ પછી વાદળી પક્ષીને હટાવીને ટ્વિટર લોગોને બ્લેક એન્ડ વ્હાઇટ X સાથે બદલવામાં આવ્યો છે. આ સાથે કંપનીની હેડ ઓફિસને પણ X નામ આપવામાં આવ્યું છે.