લાઇફસ્ટાઇલ / મસાલેદાર ખાવાથી માત્ર નુકસાન જ નહીં, તેના અનેક ફાયદા પણ છે, બસ ધ્યાનમાં રાખજો આ વાત

• મસાલેદાર ખોરાકમાં માઇક્રોબાયલ તત્વો હોય છે
• મસાલેદાર ખોરાક ખાવાથી જીવન 14 ટકા વધે છે
• મરચું ખાવાથી તણાવ ઓછો થાય છે

ઘણીવાર એવું બને છે કે તમે મસાલેદાર ખોરાક એટલા માટે ખાતા નથી કારણ કે તે તમારા સ્વાસ્થ્ય માટે ખૂબ જ નુકસાનકારક હોઈ શકે છે. પરંતુ તમારી જાણકારી માટે જાણી લો કે તે ફાયદાકારક પણ છે. જે લોકો મસાલેદાર અને મરચાંવાળા ખોરાકને પસંદ કરે છે, તેઓએ ચિંતા કરવાની જરૂર નથી. કારણ કે તેના ઘણા ફાયદા પણ છે. 

ત્વચા 
મસાલેદાર ખોરાકમાં માઇક્રોબાયલ તત્વો હોય છે. જે બેક્ટેરિયા અને ઈન્ફેક્શનને દૂર રાખે છે. લસણ, એલચી, જીરું, આદુ, લવિંગ અને લેમન ગ્રાસ ખાવાથી ત્વચા ચમકદાર બને છે. સ્કિન ઈન્ફેક્શન પણ દૂર થવા લાગે છે. 

તણાવ 
મરચું ખાવાથી તણાવ ઓછો થાય છે. મસાલેદાર ખોરાક ઘણી સમસ્યાઓ દૂર કરી શકે છે. મસાલેદાર ખોરાક ખાવાથી શરીરમાં એન્ડોર્ફિન અને ડોપામાઈનનું સ્તર વધવા લાગે છે. તેનાથી તણાવ પણ ઓછો થાય છે. 

વાંચવા જેવું: એક એવું વિટામિન, જે કેન્સરના જોખમને જડમૂળથી ખતમ કરી નાખે છે, આજથી જ શરૂ કરો આ ફ્રૂટ્સનું સેવન

રોગપ્રતિકારક શક્તિ
લાલ મરચામાં વિટામીન C, વિટામિન B, પ્રો-A-વિટામીન અને એન્ટીઓક્સીડેન્ટ હોય છે. જે રોગપ્રતિકારક શક્તિને મજબૂત રાખવાનું કામ કરે છે. લાલ મરચું ખાવાથી રોગ પ્રતિકારક શક્તિ વધે છે. 

મસાલેદાર ખોરાકથી આયુષ્ય વધે છે

• મસાલેદાર ખોરાક ખાવાથી હ્રદયમાં બળતરા થઈ શકે છે. પરંતુ તેને ખાવાથી જીવન પણ લંબાય છે. મસાલેદાર ખોરાક ખાવાથી જીવન 14 ટકા વધે છે. તેથી મસાલેદાર ખોરાકને ખરાબ નહીં પણ સારો માનવામાં આવે છે. 
• પ્રોસ્ટેટ કેન્સરને રોકવામાં કેપ્સેસિન ફાયદાકારક માનવામાં આવે છે. તેમાં અનેક પ્રકારના ગુણો જોવા મળે છે.
• શરીરમાં ખરાબ કોલેસ્ટ્રોલને કેપ્સેસિન દ્વારા ઠીક કરી શકાય છે. તે રક્ત પરિભ્રમણને પણ સુધારે છે. 
• પીઠના નીચેના ભાગમાં દુ:ખાવો અને ઓસ્ટિઓઆર્થરાઈટીસના દુ:ખાવામાં કેપ્સેસિન મહત્વની ભૂમિકા ભજવે છે.