BIG NEWS / 5.9ની તીવ્રતાના ભૂકંપથી દિલ્હી- NCR અને જમ્મુ કાશ્મીર ધણધણી ઉઠ્યું, પાકિસ્તાનમાં પણ અસર

• રાજધાની દિલ્હી આજુબાજુના વિસ્તારમાં 5.9ની તીવ્રતાનો ભૂકંપ 
• જમ્મુ કાશ્મીરમાં પણ અનુભવાયા આંચકા
• આંચકા એટલા ઉગ્ર કે પાકિસ્તાનની રાજધાની પણ ધ્રૂજી 

નવા વર્ષની શરુઆત સાથે જ રાજધાની દિલ્હી અને તેની આજુબાજુના વિસ્તારમાં બીજી વાર ભૂકંપ આવ્યો છે. ગુરુવારે રાતે 8 વાગ્યાની આસપાસ 5.9ની તીવ્રતાના ભૂકંપથી ધરતી ધ્રૂજી હતી. ભૂકંપ આવતા લોકો ગભરાટના માર્યા ઘર ઓફિસોની બહાર નીકળી ગયા હતા જેને પગલે રસ્તા પર લોકોના ટોળા જોવા મળતા હતા. 

An earthquake with a magnitude of 5.9 on the Richter Scale hit 79km South of Fayzabad, Afghanistan at 7:55 pm today: National Centre for Seismology pic.twitter.com/2Zn9oXeEnC

— ANI (@ANI) January 5, 2023

જમ્મુ કાશ્મીરમાં પણ ભૂકંપના આંચકા  
દિલ્હી-એનસીઆરની ઉપરાંત જમ્મુ-કાશ્મીરમાં પણ ધરતી ધ્રૂજી ઉઠી છે. ત્યાં પણ લોકોએ ભૂકંપના તીવ્ર આંચકા અનુભવ્યા છે. આ ભૂકંપની તીવ્રતા 5.9 હોવાનું જાણવા મળ્યું છે. તેનું કેન્દ્ર અફઘાનિસ્તાનનો હિન્દુ કુશ પ્રદેશ છે. 

નવા વર્ષના પાંચ દિવસમાં બે વાર આવ્યો ભૂકંપ 
નવા વર્ષમાં બીજી વખત ભૂકંપના આંચકા અનુભવાયા છે. આ પહેલા દિલ્હી-એનસીઆરના લોકો માટે નવા વર્ષની શરૂઆત ભૂકંપના આંચકા સાથે થઈ હતી. નવા વર્ષની રાત્રે દિલ્હી-એનસીઆરના ઘણા ભાગોમાં ભૂકંપના આંચકા અનુભવાયા હતા. ભૂકંપનું કેન્દ્ર હરિયાણાના ઝજ્જર જિલ્લામાં હતું.

પાકિસ્તાનની રાજધાની ઈસ્લામાબાદમાં પણ ભૂકંપની અસર
સોશિયલ મીડિયા પર કેટલાક લોકોએ દાવો કર્યો હતો કે નવી દિલ્હી સહિત અફઘાનિસ્તાન, પાકિસ્તાન અને ઉત્તર ભારતના કેટલાક ભાગોમાં પણ ભૂકંપના આંચકા અનુભવાયા હતા. જર્મન રિસર્ચ સેન્ટર ફોર જીઓસાયન્સિસ (જીએફઝેડ)ને ટાંકીને રોઇટર્સે અહેવાલ આપ્યો હતો કે, અફઘાનિસ્તાનમાં હિન્દુ કુશ વિસ્તારમાં 5.8 ની તીવ્રતાનો ભૂકંપ આવ્યો હતો. જીએફઝેડે કહ્યું કે ભૂકંપ 189 કિલોમીટરની ઊંડાઈએ હતો.

નવા વર્ષે જ આવ્યો હતો ભૂકંપ

ઉલ્લેખનીય છે કે દિલ્હીમાં નવા વર્ષે જ ભૂકંપ આવ્યો હતો અને હવે બીજી વાર આવતા લોકોમાં ચિંતા વધી છે.