BIG NEWS / ગાંધીનગરમાં 10મી માર્ચથી શરૂ થનાર ડિફેન્સ એક્સપો મોકૂફ રખાયો, જાણો રક્ષા મંત્રાલયે શા માટે લીધો નિર્ણય

• ગાંધીનગરમાં યોજાનારો ડિફેન્સ એક્સ્પો મોકૂફ રખાયો
• 10 થી 14 માર્ચ દરમિયાન યોજાનાર હતો ડિફેન્સ એક્સ્પો
• નવી તારીખ પછી પાછળથી જાહેર કરાશે

Due to logistics problems being experienced by participants, the Defence Expo 2022 proposed to be held in Gandhinagar, Gujarat from March 10th till March 14th is postponed. The new dates will be communicated in due course: Defence Ministry spokesperson pic.twitter.com/EG5lp15Qtu

— ANI (@ANI) March 4, 2022

હાલ રશિયા અને યૂક્રેન વચ્ચે યુદ્ધ ચાલી રહ્યું છે. આ વચ્ચે ગુજરાતના ગાંધીનગરમાં ડિફેન્સ એક્સ્પો યોજાવા જઇ રહ્યું હતું. આ ડિફેન્સ એક્સ્પોને લઇ ગાંધીનગરના રામકથા મેદાનમાં તડામાર તૈયારીઓ ચાલી રહી હતી.જો કે હાલ રક્ષામંત્રાલાય તરફખી એવા અહેવાલો મળી રહ્યાં છે કે, ગાંધીનગર ખાતે યોજાનાર  ડિફેન્સ એક્સપો તાત્કાલિક મુલતવી રખાયો છે.

Due to logistics problems being experienced by participants, the #DefExpo2022 proposed to be held in Gandhinagar, Gujarat from March 10th till March 14th is postponed. The new dates will be communicated in due course.

— A. Bharat Bhushan Babu (@SpokespersonMoD) March 4, 2022

રક્ષામંત્રાલયના સ્પોક પર્સને ટ્વિટ કરી કારણ જણાવ્યું 

ગુજરાતના આંગણે 10 થી 14 માર્ચ દરમિયાન ડિફેન્સ એક્સપો યોજાનાર ડિફેન્સ એક્સપો હાલ મુલત્વી રાખવામાં આવ્યો છે. મિનીસ્ટ્રી ઓફ ડિફેન્સના સ્પોક પર્સન ભરતભૂષણ બાબુ દ્વારા હાલ ડિફેન્સ એક્સપો મોકૂફ કરાયાની જાહેરાત કરાઈ છે.તેમણે ટ્વીટ કરીને કહ્યુ કે, ગુજરાતના ગાંધીનગરમાં 10 થી 14 માર્ચ દરમિયાન આયોજિત ડિફેન્સ એક્સપોને હાલ લોજિસ્ટિક સમસ્યાઓને કારણે મોકૂફ કરાયો છે. ટૂંક સમયમાં જ નવી તારીખ જાહેર કરવામાં આવશે. 

આ વખતે ગુજરાત બન્યું ડિફેન્સ એક્સ્પોનું યજમાન 

ઉલ્લેખનીય છે કે,  ગત વખતે લખનૌ ડિફેન્સ એક્સ્પો માટે યજમાન હતું જ્યારે આ વખતે ગુજરાત યજમાન બન્યું છે. આ એક્સ્પોને લઇને મુખ્યમંત્રી સમિક્ષા બેઠક યોજી ચૂક્યા છે. ડિફેન્સ એકસ્પોને પગલે સૈન્યના વડા મુકુન્દ નરવણે પણ ગાંધીનગરની મુલાકાતે આવી ચૂક્યા છે. 2022 ના વર્ષમાં ગુજરાતમાં અનેક મોટા કાર્યક્રમો રદ થયા છે. ગત મહિને કોરોનાની ત્રીજી લહેરને કારણે વાઈબ્રન્ટ ગુજરાત કાર્યક્રમ તથા અમદાવાદનો ફ્લાવર શો રદ કરાયો હતો. ત્યારે હવે ડિફેન્સ એક્સપોનું ભવ્ય આયોજન થવાનુ હતું. પરંતુ તે પહેલા જ યુક્રેન રશિયા વચ્ચે યુદ્ધ ફાટી નીકળ્યું