અમદાવાદ / ડૉ વૈશાલી આપઘાત કેસ: હાઈકોર્ટે PI ખાચરની જામીન અરજી ફગાવી, સ્યુસાઈડ નોટનું સત્ય આવ્યું સામે

અમદાવાદમાં ડોક્ટર વૈશાલી જોશીના આપઘાત કેસમાં હવે આરોપી PI બી.કે. ખાચરની મુશ્કેલી વધી શકે છે. આર્થિક નિવારણ શાખાના PI બી.કે.ખાચરને હાઈકોર્ટનો ઝટકો મળ્યો છે. તેની આગોતરા જામીનની અરજી હાઈકોર્ટે ફગાવી દીધી છે.

PI ખાચરની મુશ્કેલીમાં વધારો

અત્રે જણાવીએ કે, કોર્ટના આદેશ બાદ તપાસનીશ અધિકારી કોર્ટમાં હાજર રહ્યા હતાં. તેમમે તપાસનીશ અધિકારીએ કેરેલી કાર્યવાહીની માહિતી આપી હતી. જમાં જણાવ્યું હતું કે, મૃતક અને આરોપી અવાર-નવાર સંપર્કમાં આવતા હતા. આત્મહત્યા કેસને લઈ પોલીસની તપાસ હજુ ચાલુ છે. પોલીસે જપ્ત કરેલી સ્યુસાઈડ નોટ સાચી હોવાનો પણ ખુલાસો થયો છે.

વૈશાલી જોષીના બહેને ફરિયાદ નોંધાવી હતી

PI ખાચર સામે ગાયકવાડ પોલીસ સ્ટેશનમાં ફરિયાદ નોંધાઈ હતી. મૃતક ડૉ.વૈશાલી જોષીના બહેન કિંજલ પંડ્યાએ ફરિયાદ દાખલ કરી હતી. PI ખાચરના ત્રાસથી વૈશાલી જોષીએ આપઘાત કર્યાનો ફરિયાદમાં ઉલ્લેખ પણ કરાયેલો છે.

વાંચવા જેવું: દિલીપ સંઘાણી Exclusive: સહકારી ક્ષેત્રમાં પ્રદેશ ભાજપને દખલ ન કરવા આડકતરું સૂચન, આપ્યો દાખલો

15 પાનાની સુસાઈડ નોટ મળી હતી

અત્રે જણાવીએ કે, પોલીસને મહિલાના મૃતદેહ પાસેથી 15 પાનાની સુસાઈડ નોટ મળી હતી. જેમાં જણાવ્યું હતું કે, હું જે અંતિમ પગલુ ભરવા જઈ રહી છું, તેની પાછળ PI ખાચર જવાબદાર છે. મારી અંતિમ વિધિ PI ખાચર કરે તેવો પણ સુસાઈડ નોટમાં ઉલ્લેખ હતો. મહિલા અને પોલીસ ઈન્સ્પેક્ટર ખાચર વચ્ચે 5 વર્ષથી પ્રેમ સંબંધ હતો તેવા ખુલાસા થયા હતા.