રાજનીતિ / સુરેન્દ્રનગર જિલ્લાની તમામ બેઠકો ગુમાવ્યા બાદ જિલ્લા કોંગ્રેસ પ્રમુખે આપ્યું રાજીનામુ, પક્ષ પર કર્યા મોટા આક્ષેપ

• સુરેન્દ્રનગર કોંગ્રેસના જિલ્લા પ્રમુખે આપ્યું રાજીનામું
• રૈયાભાઈ રાજપૂતે જિલ્લા પ્રમુખ પદેથી આપ્યું રાજીનામું
• જિલ્લાની તમામ બેઠકો ગુમાવ્યા બાદ સત્તાધીશો પર લગાવ્યા આરોપ

ગુજરાત વિધાનસભાની ચૂંટણી તો પૂર્ણ થઈ છે પરંતુ અજી પણ રાજકીય નેતાઓના રાજીનામાંના દોર યથાવત હોય તેવું જણાઈ રહ્યું છે. આપણે ચૂંટણી સમયે તો જાણ્યું છે કે, ધડાધડ રાજીનામાં તેમજ પક્ષપલટા કરતા નેતાઓને પરંતું ચૂંટણી પૂરી થયાં પછી પણ આ માહોલ યથાવત હોય તેવું જણાઈ રહ્યું છે. સુરેન્દ્રનગર કોંગ્રેસના જિલ્લા પ્રમુખે રાજીનામું આપ્યું છે.

સુરેન્દ્રનગર કોંગ્રેસના જિલ્લા પ્રમુખે આપ્યું રાજીનામું
સુરેન્દ્રનગર કોંગ્રેસના જિલ્લા પ્રમુખે રાજીનામું આપ્યું છે. રૈયાભાઈ રાજપૂતે જિલ્લા પ્રમુખ પદેથી રાજીનામું ધરી દીધું છે. કોંગ્રેસના પ્રદેશ પ્રમુખને તેમણે રાજીનામું આપી દીધું છે. સુરેન્દ્રનગર જિલ્લાની તમામ બેઠકો ગુમાવ્યા બાદ સત્તાધીશો પર આરોપ લગાવ્યા છે. જિલ્લા પ્રમુખ રૈયાભાઈ રાજપૂતે જણાવ્યું કે, પાર્ટીએ વિશ્વાસમાં લીધા વગર ઉમેદવાર ગોઠવ્યા હતા. 

કોંગ્રેસ યોજશે ગુજરાત જોડો યાત્રા
ગુજરાત જોડો યાત્રા `હાથ સે હાથ જુડે'ના બેનર હેઠળ યાત્રા યોજશે. સંપૂર્ણ ગુજરાતમાં 3 મહિના સુધી `હાથ સે હાથ જુડે' અભિયાન ચલાવવામાં આવશે આ યાત્રામાં દરેક તાલુકા પંચાયત અને દરેક વિધાનસભા બેઠકોને આવરી લેવાશે. ગુજરાત જોડો યાત્રાની શરૂઆત 15મી જાન્યુઆરી બાદ થશે. સમગ્ર અભિયાનની જવાબદારી મિલિંદ દેવરાને સોંપાઈ છે. ત્યારે ભરતસિંહ સોલંકીને જમ્મૂ-કશ્મીરતો અર્જુન મોઢવાડિયાને ઝારખંડની જવાબદારી સોંપાઈ છે.