તહેવાર / ધનતેરસના દિવસે ભૂલથી પણ ના ખરીદવી જોઈએ આ વસ્તુઓ: ઘરમાં જે ધન છે તે પણ જતું રહેશે, નારાજ થઈ જશે માતા લક્ષ્મી

• ધનતેરસના દિવસે શુ ન ખરીદવો જોઈએ ?
• ધનતેરસના દિવસે કાચના વાસણો કે અન્ય વસ્તુ ન ખરીદવી
• ધનતેરસના દિવસે કાળા રંગના કપડા ન ખરીદવા

Dhanteras vastu tips: દિવાળીના પર્વ પર આવતો ધનતેરસનો શુભ તહેવાર આસો મહિનાના કૃષ્ણ પક્ષની તેરસની તિથિએ ઉજવવામાં આવે છે. આ વર્ષે ધનતેરસ 10 નવેમ્બરે છે. જે દિવસે અમુક વસ્તુની ખરીદી કરવી ખૂબજ શુભ ગણાય છે. ધનતેરસના દિવસે લોકો સોના-ચાંદીની તેમજ નવી ગાડીની ખરીદી કરતા હોય છે. જેનાથી ઘરમાં સુખ-સમૃદ્ધિ વધે છે તેવી પણ માન્યતા છે. ધનતેરસના શુભ દિવસે સોનું, ચાંદી અને કાંસાના વાસણો ખરીદવાથી આખું વર્ષ સમૃદ્ધિ આવે છે. તો બીજી તરફ ધનતેરસ પર કેટલીક વસ્તુઓ ખરીદવાનું ટાળવું પણ જોઈએ. એવી માન્યતા છે કે, કેટલીક વસ્તુઓ ખરીદવાથી દેવી લક્ષ્મી નારાજ થાય છે અને જેનાથી ઘરમાં આર્થિક સંકટ આવી શકે છે. ચાલો જાણીએ કે, ધનતેરસના દિવસે શુ ન ખરીદવો જોઈએ

લોખંડની વસ્તુઓ
ધનતેરસ પર કેટલીક વસ્તુની ખરીદી કરવી સારી બાબત છે તો  બીજી તરફ કેટલીક ખરીદી ન કરવી પણ હિતાવહ મનાય છે. જ્યોતિષ શાસ્ત્ર અનુસાર ધનતેરસ પર લોખંડની બનેલી વસ્તુઓ ન ખરીદવી જોઈએ. જેનો સીધો સંબંધ રાહુ અને કેતુ સાથે છે. ધનતેરસના દિવસે લોખંડની વસ્તુઓ ઘરમાં લાવવાથી રાહુ ગ્રહની અશુભ છાયા પડી શકે છે. 

કાચનો સમાન
ધનતેરસના દિવસે કાચના વાસણો કે અન્ય વસ્તુઓ ખરીદવાનું ટાળવું જોઈએ. કાચની વસ્તુંથી માતા લક્ષ્મી ક્રોધિત થાય છે. કાચની વસ્તુઓનો પણ સીધો સંબંધ રાહુ ગ્રહ જ સાથે છે. 

સ્ટીલની વસ્તું ખરીદવાનું ટાળો
ધનતેરસના પર્વ પર વાસણો ખરીદવાની પરંપરા ઘણા સમયથી ચાલી આવે છે. પરંતુ સ્ટીલએ લોખંડનું બીજું સ્વરૂપ છે, જેથી કહેવાય છે કે ધનતેરસના દિવસે સ્ટીલના વાસણો પણ ન ખરીદવા જોઈએ. સ્ટીલને બદલે તાંબા કે કાંસાના વાસણો ખરીદી શકાય છે. 

કાળા રંગની વસ્તુ
ધનતેરસના દિવસે કાળા રંગના કપડા અથવા અન્ય કોઈપણ વસ્તુઓ ખરીદવાનું અને તેને ઘરે લાવવાનું ટાળવું જોઈએ. કાળો રંગ હંમેશાથી દુર્ભાગ્યનું પ્રતિક માનવામાં આવે છે. જો તમે કાળા રંગના વસ્ત્રો પહેરો છો તો શનિદેવ તમારી કુંડળીમાં પ્રભુત્વ મેળવી શકે છે. જેના કારણ છે કે ધનતેરસ પર કાળા રંગની વસ્તુઓ ન ખરીદવી જોઈએ.