અમદાવાદ / ઢબુડી મા ઉર્ફે ધનજી ઓડે વીડિયો વાયરલ કરી ખુલાસો કર્યો, કહ્યું હું તો સાચો જ છું

જો કે ઢબૂડી માં ઉર્ફે ધનજી ઓડે સોશિયલ મીડીયામાં વીડિયો વાયરલ કર્યો છે. જો કે ધનજી ઓડ દ્વારા વીડિયો શેર કરી તેમના પર લાગવામાં આવેલા આરોપોને લઇને સોશિયલ મીડિયામાં વીડિયો દ્વારા ખુલાસો કરવામાં આવ્યો છે. 

ઢબૂડી માં ઉર્ફે ધનજી ઓડે હાલ ફરાર છે અને આવતીકાલે કોર્ટમાં આગોતરા જામીન પર સુનાવણી હાથ ધરવામાં આવવાની છે. જો કે તે પૂર્વે ધનજી ઓડે વીડિયો જાહેર કર્યો છે અને ભક્તોને ઉશ્કેરવાનો પ્રયાસ કર્યો છે. ધનજી ઓડે વીડિયો જાહેર કરીને કેટલાક ખુલાસા કર્યા છે.

જેમાં બે વ્યક્તિનો પણ ઉલ્લેખ કર્યો છે. આ બન્ને વ્યક્તિએ તેના પર ખોટા આરોપ લગાવ્યા હોવાનો આક્ષેપ કર્યો છે. એટલું જ નહીં ધનજી ઓડ પોલીસથી બચવા માટે ફરાર થઈ ગયો છે. જોકે વીડિયોમાં કહેતા નજરે પડી રહ્યો છે કે તે કોઈ ફરાર નથી થયો. આ સાથે જ જે લોકોએ તેના અંગે મીડિયાને જાણ કરી છે તેવા લોકોને ભગવાન સજા આપશે તેવા શબ્દો પણ ઉચ્ચારી રહ્યો છે.



ધનજી ઓડનું વિદેશમાં બેંક એકાઉન્ટ
ઢબુડી માના નામે ભુવો બનીને અંધશ્રદ્ધા ફેલાવવા ગ્રામજનોએ પોલીસને અરજી કરી હતી. ગ્રામજનોએ ધનજી ઓડને ગામમાંથી કાઢીને પોલીસને જાણ કરી હતી. ત્યારે હવે ધનજી ઓડના નાટકનો પર્દાફાશ થયો છે. વિદેશમાં બેંક એકાઉન્ટ ધરાવતા ધનજી ઓડની મિલકતને લઈને તપાસ હાથ ધરાઈ રહી છે. હાલમાં અમદાવાદ પોલીસ ધનજી ઓડના યુટ્યુબ એકાઉન્ટ અને સેવકોની તપાસ કરવામાં આવી રહી છે.

ગાંધીનગરના રૂપાલ ગામનો ધનજી ઓડ નામનો પુરૂષ ચૂંદડી ઓઢી ઢબુડી મા બન્યો હોવાનો ખુલાસો થયો હતો. જેના હજારોની સંખ્યામાં ફોલોઅર્સ છે. ધનજી ઓડનો દાવો છે કે તેના પર જોગણી માતાની કૃપા થઈ છે. ભક્તો તેને રૂપાલની જોગણી માતાના નામે ઓળખે છે. ઢબુડી માતા ઉર્ફે ધનજી ઓડ માથા પર ચૂંદડી ઓઢી ધૂણે છે. રૂપાલ સહિત રાજ્ય ભરના અનેક ગામોમાં તથા મુંબઈમાં અનેક કાર્યક્રમો કરી ચૂકી છે ઢબુડી મા.

અગાઉ VTV સાથે વાતચીત કરતા ધનજી ઓડે બોટાદના બનાવને લઇને જણાવ્યું હતું કે, આ અંગે મને કોઇ ખ્યાલ જ નથી. આ બનાવ હવે પ્રકાશમાં આવ્યો છે. આ બનાવ પોતાનો બનાવ છે. તે વ્યક્તિ ક્યારેય મને મળ્યો નથી અને ક્યારેય તેણે આવીને કહ્યું નથી કે, મારા દિકરાને આ પ્રકારની તકલીફ છે. આ સ્થળ એક આસ્થાનું કેન્દ્ર છે. અહીં કોઇપણ પ્રકારના દોરા-ધાગા કરવામાં આવતા નથી. જેને આસ્થા હોય, શ્રદ્ધા હોય કે વિશ્વાસ હોય તે જ વ્યક્તિ અહીં આવતી હોય છે. 

ઢબુડી માતા ઉર્ફે ધનજી ઓડે વધુમાં કહ્યું હતું કે, મારી પાસે એક હજાર લોકો આવતા હોય છે તેમાંથી 700 લોકોનું કામ થાય અને કોઇ કારણોસર 300 લોકોનું કામ ન થાય તો તેને હું માર્ગ દેખાડું છું. જે લોકો મારી પાસે આસ્થાથી આવે છે તેના કામ થાય જ છે.