ક્રાઈમ / શ્રદ્ધાના કપાયેલા 10 અંગો મળ્યાં, આરોપી બાથરુમમાં લાશ કાપતો, એક સવાલથી પાપનો ઘડો ફૂટ્યો

• દિલ્હીની શ્રદ્ધા વોકર હત્યાકાંડમાં ચોંકાવનારા ખુલાસા
• પોલીસને અત્યાર સુધી મળ્યાં 10 અંગ
• બુધવારે પોલીસને શ્રદ્ધાના શરીરના પાછળના હાડકાં મળ્યાં 

દિલ્હીના ચકચારી શ્રદ્ધા વોકર હત્યાકાંડમાં આરોપીના એવા ચોંકાવનારા ખુલાસા કે તેણે શ્રદ્ધાની હત્યા કર્યા બાદ લાશના 35 ટુકડા કરીને જંગલમાં ફેંકી દીધા હતા, આ પછી પોલીસે તેણે ચીંધેલા ઠેકાણે તપાસ શરુ કરી તો તેને મૃતક શ્રદ્ધાના શરીરના કેટલાક અંગો મળી આવ્યાં હતા. પોલીસને અત્યાર સુધી શરીરના 10 અંગ મળ્યાં છે. બુધવારે પોલીસને શરીરના પાછળના ભાગના હાડકાં મળ્યાં હતા. 

પોલીસને અત્યાર સુધી શ્રદ્ધાના શરીરના 10 હાડકાં મળ્યાં 
આફતાબે દિલ્હીમાં પોતાની 'લિવ-ઈન પાર્ટનર' શ્રદ્ધા વોકરની હત્યા કરી હતી, તેના 35 ટુકડા કરી લીધા હતા અને ધીમે ધીમે તેને જંગલમાં ફેંકી દીધા હતા. મળી આવેલા હાડકાં શરીરના પાછળના ભાગમાંથી છે. આ કેસમાં અત્યાર સુધી આવા 10 બોડી પાર્ટ્સ મળી આવ્યા છે. તેના શરીરનો મોટો ભાગ છે, જે રીડના હાડકાની નીચે જણાવવામાં આવી રહ્યો છે.

આફતાબે બાથરુમમાં લાશના 35 ટુકડા કર્યાં 
પોલીસને શંકા છે કે આરોપી આફતાબે બાથરુમમાં શ્રદ્ધાની લાશના 10 ટુકડા કર્યાં હતા ત્યાર બાદ તે શાવરમાંથી પાણી વહેવાતો હતો હતો જેથી જલદી શરીર કપાઈ જાય અને લોહી વહી જાય. 

હત્યારા આફતાબનો થશે નાર્કો ટેસ્ટ 
દિલ્હીની સાકેત કોર્ટે પોલીસને આફતાબનો નાર્કો ટેસ્ટ કરવાની મંજૂરી આપી છે. હવે દિલ્હી પોલીસ ટૂંક સમયમાં હત્યાના આરોપી આફતાબ પર નાર્કો ટેસ્ટ કરશે. 

કેવી રીતે ભાંડ્યો ફૂટ્યો
પિતાએ શ્રદ્ધા ગુમ થઈ હોવાની ફરિયાદ લખાવી ત્યાર બાદ પોલીસે શકને આધારે તેના લીવ ઈન પાર્ટનર આફતાબને  પૂછપરછ માટે બોલાવ્યો હતો. આફતાબે પોલીસને કહ્યું કે શ્રદ્ધા અહીઁથી મોબાઈલ અને સામાન લઈને  નીકળી હતી. પોલીસને તેને વળતો સવાલ પૂછ્યો કે જો શ્રદ્ધા 22 મેના દિવસે ઘર છોડીને જતી રહી હોય તો તેનું લોકેશન હજુ સુધી મહરોલી કેમ દેખાડે છે બસ આ સવાલનો જવાબ હત્યારો આફતાબ આપી શક્યો નહોતો અને તેણે બનેલું બધું કહી સંભળાવ્યું હતું. 

શું છે શ્રદ્ધા વોકર હત્યાકાંડ 
મે 2022માં આફતાબ અમીન પૂનાવાલાએ તેની 26  વર્ષીય લીવ ઈન પાર્ટનર શ્રદ્ધા વોકરની હત્યા કરી હતી. બંનેની મુલાકાત એક ડેટિંગ એપ દ્વારા થઈ હતી અને તેઓ 2019થી સાથે રહેતા હતા. તેમના માતાપિતાએ વાંધા ઉઠાવ્યા બાદ તેઓ દિલ્હી આવ્યા હતા. 18 મેના રોજ ઉગ્ર ઝગડ બાદ આફતાબે શ્રદ્ધાનું ગળું દબાવીને શ્રદ્ધાની હત્યા કરી હતી અને તેના શરીરના 35 ટુકડા કરી નાખ્યા હતા. આ પછી, ટુકડાઓને 18 દિવસ સુધી મેહરૌલીના જંગલોમાં ફેંકી દેતો હતો. શ્રદ્ધાના ગુમ થયાની પિતાની ફરિયાદ બાદ આ મામલો છ મહિનો બહાર આવ્યો હતો.