ચુકાદો / ડીફેન્સ ડીલમાં ભ્રષ્ટાચારના આરોપમાં જયા જેટલીને CBIની વિશેષ કોર્ટે ફટકારી 4 વર્ષની સજા, જેટલી પહોંચી હાઈકોર્ટના દ્વારે

Hiren

Last Updated: 07:01 PM, 30 July 2020

FOLLOW ON

શેર કરો

રક્ષા કરારમાં ભ્રષ્ટાચારના આરોપમાં સમતા પાર્ટીના પૂર્વ અધ્યક્ષ જયા જેટલીને સીબીઆઈની વિશેષ કોર્ટે 4 વર્ષની સજા સંભળાવી છે. જયા જેટલીએ આ આદેશને દિલ્હી હાઈકોર્ટમાં પડકાર્યો છે. હાઈકોર્ટે નિચલી કોર્ટ દ્વારા સંભળાવવામાં આવેલી સજાને હાલ સ્થગિત કરી દીધી છે. કોર્ટે જયા જેટલીની અપીલનો સ્વીકાર કરી લીધો છે.

CBIની વિશેષ કોર્ટે 4 વર્ષની સજા સંભળાવી
જયા જેટલીએ ચુકાદાને હાઈકોર્ટે પડકાર્યો
નિચલી કોર્ટની સજા હાઈકોર્ટે કરી સ્થગિત

સીબીઆઈએ આ મામલે સુનાવણી દરમિયાન જ કોર્ટ દ્વારા જાહેર કરવામાં આવેલ નોટિસનો સ્વીકાર કરી લીધો છે. જયા જેટલીની હવે આ અપીલ પર નિયમિત સુનાવણી બાદમાં થશે. દિલ્હીની રાઉજ એવેન્યૂ કોર્ટે જયા જેટલીને આજે સાંજે 5 વાગ્યા સુધીમાં તિહાડ જેલ તંત્રની સામે સરેન્ડર કરવાનો સમય આપ્યો હતો. પરંતુ હાઈકોર્ટે નિચલી કોર્ટ દ્વારા સંભળાવવામાં આવેલી સજાને સ્થગિત કરી દીધી, જેના કારણે જયા જેટલી જેલ જતા બચી ગઇ.

ડીફેન્સ ડીલમાં ભ્રષ્ટાચારના આરોપમાં સમતા પાર્ટીના પૂર્વ અધ્યક્ષ જયા જેટલીને CBI સ્પેશ્યલ કોર્ટે ફટકારી 4 વર્ષની સજા. જેટલીએ આ ચુકાદાને દિલ્હી હાઈકોર્ટમાં પડકાર્યો#CBI #JayaJaitly #Delhi
— VTV Gujarati News and Beyond (@VtvGujarati) July 30, 2020

CBIની વિશેષ કોર્ટના જજ વીરેન્દર ભટે જયા જેટલી, તેમની જ પાર્ટીના પૂર્વ સહયોગી ગોપાલ પચેરવાલ અને રિટાયર્ડ મેજર જનરલ એસપી મુરગઈને ભ્રષ્ટાચાર અને ગુનાકીય ષડયંત્રના દોષી ગણાવ્યા હતા.

બુધવારે સજા પર દલીલ પૂર્ણ થયા બાદ નિચલી કોર્ટે આજે પોતાનો ચુકાદો સંભળાવ્યો. કોઇપણ ગુનાકીય મામલે જો કોઈ દોષીને 3 વર્ષથી ઉપરની સજા થાય છે તો તેને તાત્કાલિક જેલ મોકલી દેવામાં આવે છે. 3 વર્ષથી ઓછી સજામાં નિચલી કોર્ટ સામે દોષી જામીન અરજી કરી શકે છે જેને કોર્ટ સ્વીકાર અથવા અસ્વીકાર કરી શકે છે.

સંકળાયેલા મુદ્દાઓ

Delhi Court jaya jaitley જયા જેટલી દિલ્હી કોર્ટ jaya jaitley