"કાર્યવાહી / તેલની અંદર મરેલા વંદા, લોટની અંદર જીવાતો: અમદાવાદીઓ આ જાણીતા 9 ફૂડ એકમો સીલ, જુઓ કયા કયા"

• અમદાવાદ મનપાના ફૂડ વિભાગની કાર્યવાહી 
• બિન આરોગ્યપ્રદ ચીજવસ્તુઓ વેચતા એકમો સામે તવાઈ 
• દીપ બેકરી, ભેરુનાથ ચવાના , શ્રીનાથજી ગાર્ડન રેસ્ટોરન્ટ કરાઈ સીલ

અમદાવાદ મ્યુનિસિપલ કોર્પોરેશનના આરોગ્ય વિભાગ અને ફ્રૂડ વિભાગની ટીમ દ્વારા રેડ કરી ચકાસણી હાથ ધરતા દુકાનદારો તેમજ ગૃહઉદ્યોગો દ્વારા ખુલ્લે આમ શહેરીજનોનાં આરોગ્ય સાથે ચેડા થઈ રહ્યા છે.  તપાસ કરવામાં આવેલ દુકાનોમાંથી લોટનાં ડબ્બામાંથી જીવાતો મળી આવી. પાણીની ટાંકીમાં મચ્છરો તેમજ લાડવા અને ગંદુ પાણી મળી આવ્યું. ત્યારે ફ્રુડ વિભાગ દ્વારા  ફરસાણની દુકાનો તેમજ રેસ્ટોરન્ટને સીલ મારી દીધું હતું. જ્યારે 64 જેટલી રેસ્ટોરન્ટ અને ખાણીપીણીની દુકાનોનાં વેપારીઓ રૂ. 2.69 લાખનો દંડ વસુલવામાં આવ્યો હતો. ફ્રુડ વિભાગ દ્વારા કુલ 114 એકમોમાં ચેકીંગ હાથ ધરાયું હતું.

ફ્રુડ વિભાગ દ્વારા 9 એકમો સીલ કરાયા
ફ્રુડ વિભાગ દ્વારા વધુમાં જણાવ્યું હતું કે શહેરમાં અલગ અલગ જગ્યાએ આરોગ્ય અને ફ્રુડ વિભાગની ટીમો દ્વારા ચેકીંગ હાથ ધરવામાં આવ્યું હતું. જેમાં વિવિધ હોટલો અને દુકાનોમાં  ચેકિંગ કરાયું હતું. તેમજ ભોજનાલય, રેસ્ટોરન્ટ અને ફરસાણની દુકાનોમાં ખાદ્ય પદાર્થની જાળવણી ન થતી હોઈ સીલ કરવામાં આવી હીત. ત્યારે કુલ 9 જેટલી દુકાનોમાંથી બિનઆરોગ્યપ્રદ ખાદ્ય ચીજ વસ્તુઓ મળી આવતા દુકાન સીલ કરવામાં આવી હતી.

 ફ્રુડ વિભાગ દ્વારા ક્યાં ક્યાં એકમોને સીલ કરાયા
મનપાના ફૂડ વિભાગની  દ્વારા દીપ બેકરી, ભેરૂનાથ ચવાના,  શ્રીનાથજી ગાર્ડન રેસ્ટોરન્ટ સીલ કરવામાં આવી હતી.   ફ્રુડ વિભાગ દ્વારા ગૃહ  ઉદ્યોગ તેમજ હોટલમાં તપાસ કરવામાં આવી હતી.  જ્યાં રસોડામાં એક જ તેલમાં અનેક વખત પુરી તળવામાં આવી હતી. તેમજ ભળેલું તેલ પણ મળી આવ્યું હતું. જ્યારે લોટનાં ડબ્બામાંથી જીવાતો મળી આવી હતી.  જે બાદ હોટલ તેમજ રોસ્ટોરન્ટનાં રસોડામાં તપાસ હાથ ધરવામાં આવી હતી. જ્યાં રસોડામાં ગંદકી હોઈ કાર્યવાહિ કરવામાં આવી હતી.