મનોરંજન / 'તારક મહેતા કા ઉલ્ટા ચશ્મા'માં દયાની વાપસી કન્ફર્મ: સિરિયલના 15 વર્ષ પૂર્ણ થવા પર આસિત મોદીએ કર્યું આ મોટું એલાન

• તારક મહેતા કા ઉલ્ટા ચશ્માએ 15 વર્ષ પૂર્ણ કર્યા છે
• આ અવસર પર અસિત મોદીએ દિશા વાકાણી વિશે જાહેરાત કરી 
• એમને ચાહકોને દયાબેનને શોમાં પાછા લાવવાનું વચન આપ્યું છે

તારક મહેતા કા ઉલ્ટા ચશ્મા એ ટીવીનો સૌથી લોકપ્રિય શો છે. આ શો તેની કોમેડી માટે જાણીતો છે. શોના તમામ કલાકારો પણ તેમના અભિનયના કારણે ઘર-ઘરમાં ઓળખાય છે. તારક મહેતા કા ઉલ્ટા ચશ્માએ 15 વર્ષ પૂર્ણ કર્યા છે અને તે ટીવી પર સૌથી લાંબો ચાલતો શો બની ગયો છે. 15 વર્ષ પૂરા થવા પર શોના નિર્માતા અસિત મોદીએ દિશા વાકાણી વિશે જાહેરાત કરી છે અને તેમના ચાહકોને દયાબેનને શોમાં પાછા લાવવાનું વચન આપ્યું છે. 

દિશા વાકાણી ટૂંક સમયમાં પરત ફરશે 
વાત એમ છે કે 15 વર્ષ પૂરા થવા પર અસિત મોદીએ કહ્યું કે 15 વર્ષની આ સફરમાં દરેકને હાર્દિક અભિનંદન. આવા ઘણા કલાકારો છે, આપણે તેમને ભૂલી શકતા નથી, તે કલાકાર છે દયા ભાભી ઉર્ફે દિશા વાકાણી. તેણે આટલા વર્ષો સુધી ચાહકોનું મનોરંજન કર્યું અને અમને હસાવ્યા. ચાહકો તેના પાછા ફરવાની રાહ જોઈ રહ્યા છે અને હું તમને બધાને વચન આપું છું કે દિશા વાકાણી ટૂંક સમયમાં તારક મહેતા કા ઉલ્ટા ચશ્મામાં પાછી આવશે. 

જેઠાલાલે પણ અભિનંદન પાઠવ્યા હતા
તારક મહેતા કા ઉલ્ટા ચશ્માની ટીમે આ શોમાં તેમની 15 વર્ષની સફર વિશે વાત કરી છે. જેઠાલાલનું પાત્ર ભજવતા દિલીપ જોશીએ કહ્યું કે અમારા નિર્માતા અસિત કુમાર મોદીનું સ્વપ્ન હતું કે તારક ભાઈ મહેતાની કૉલમ 'દુનિયા ના ઉલ્ટા ચશ્મા'થી પ્રેરિત શો બનાવવાનું. પહેલો એપિસોડ 28 જુલાઈ 2008ના રોજ આવ્યો હતો અને 15 વર્ષ પછી પણ સફળતાપૂર્વક ચાલી રહ્યો છે. આ શોને ચાલુ રાખવા માટે દરેક વ્યક્તિની મહેનત છે જે અમને બધાને 100 ટકા આપવા માટે પ્રેરિત કરે છે. 

અસિત મોદીએ ક્રૂનો આભાર માન્યો હતો
શોના 15 વર્ષ પૂર્ણ થવા પર અસિત મોદીએ તમામ કલાકારો અને ક્રૂ સભ્યોને પણ યાદ કર્યા છે, જેઓ પણ આ પ્રવાસ દરમિયાન મૃત્યુ પામ્યા છે અને તેમના પ્રત્યે સંવેદના વ્યક્ત કરી છે. તેણે તમામ ક્રૂ સભ્યો અને કલાકારોને પણ અભિનંદન આપ્યા જેઓ શોનો ભાગ હતા અને બાદમાં એ લોકોને પણ અભિનંદન આપ્યા જેઓ મૂલ્યવાન યોગદાન આપીને શોમાંથી બહાર નીકળવાનો નિર્ણય કર્યો. 

જણાવી દઈએ કે આ શો છેલ્લા ઘણા સમયથી વિવાદોમાં ઘેરાયેલો છે. શોમાં મિસિસ સોઢીની ભૂમિકા ભજવનાર જેનિફર મિસ્ત્રીએ અસિત મોદી સહિત ત્રણ લોકો પર જાતીય સતામણીનો આરોપ લગાવ્યો હતો. જે બાદ આ શો ઘણા સમયથી ચર્ચામાં છે.