મહામારી / કોઈ વેક્સિન કોરોનાને નહીં અટકાવી શકે, પણ મોતના મુખમાં જતા બચાવે છે, કેન્દ્ર સરકારનું મોટું નિવેદન

• ICMRના ડીજી બલરામ ભાર્ગવનું નિવેદન 
• ભારત,ચીન અને અમેરિકાની વેક્સિન કોરોનાને નહીં અટકાવી શકે
• કોરોના વેક્સિન મોતના મુખમાંથી બચાવી શકે છે 

કેન્દ્રીય આરોગ્ય મંત્રાલયની સાપ્તાહિક પ્રેસ કોન્ફરન્સમાં ICMRના ડીજી બલરામ ભાર્ગવે જણાવ્યું કે કોરોનાની વેક્સિન પછી તે ભારતની હોય, ચીનની હોય કે અમેરિકાની હોય તે કોરોના સંક્રમણને રોકી શકતી નથી પરંતુ મોતથી બચાવી શકે છે. તેમણે કહ્યું કે વેક્સિનેશન પહેલા અને પછી માસ્કનો ઉપયોગ જરુરી છે. લોકોએ સામૂહિક સમારોહમાંથી જતા બચવું જોઈએ. 

All COVID vaccines, whether they are from India, Israel, US, Europe, UK or China, are primarily disease-modifying. They don't prevent infection. The precautionary dose is primarily to mitigate the severity of infection, hospitalization, & death: ICMR DG Dr Balram Bhargava pic.twitter.com/Oj0WG7R53y

— ANI (@ANI) December 30, 2021

વેક્સિનેશન પહેલા અને પછી માસ્કનો ઉપયોગ ફરજિયાત
ICMRના ડીજી બલરામ ભાર્ગવે જણાવ્યું હતું કે વેક્સિનેશન પહેલા અને પછી માસ્કનો ઉપયોગ ફરજિયાત છે અને ભીડ ભેગી કરવાનું ટાળવું જોઈએ. અગાઉ અને હાલના ઓમિક્રોન માટે સારવાર ગાઈડલાઈન એક જેવી છે તથા હોમ આઈસોલેશન ખુબ જરુરી છે. તમામ રસીઓ, પછી તે ભારત, ઇઝરાયલ, યુએસએ, યુરોપ, યુકે અથવા ચીનની હોય. તેમનું કામ મુખ્યત્વે રોગમાં ફેરફાર કરવાનું છે. તેઓ ચેપને અટકાવતા નથી. પ્રિ-કોરોનરી ડોઝ મુખ્યત્વે ચેપ, હોસ્પિટલમાં દાખલ થવા અને મૃત્યુની તીવ્રતા ઘટાડવા માટે છે. 

પ્રીકોશન ડોઝ માટે વૃદ્ધોને એસએમએસ મોકલાશે
લવ અગ્રવાલે જણાવ્યું હતું કે, ભારતમાં ઓમિક્રોન વેરિએન્ટના 961 કેસ છે, જેમાંથી 320 દર્દીઓ સાજા થયા છે. તેમણે કહ્યું હતું કે, ભારતમાં લગભગ 90 ટકા પુખ્ત વયની વસ્તીને પ્રથમ ડોઝ સાથે કોવિડ-19 સામે રસી આપવામાં આવી છે. તેમણે કહ્યું કે સરકાર ૧૦ જાન્યુઆરીથી સાવચેતીના ડોઝ લેવા માટે એસએમએસ મોકલીને લાયક વૃદ્ધ વસ્તીને યાદ અપાવશે.

સાપ્તાહિક કોરોના બ્રીફિંગમાં કેન્દ્ર દ્વારા અપાયેલી  મહત્વની માહિતી 
- ગયા અઠવાડિયે ભારતમાં દરરોજ સરેરાશ 8,000થી વધુ કેસ નોંધાયા
-  ભારતમાં ઓમિક્રોન વેરિએન્ટના 961 કેસ
- 33 દિવસમાં દેશમાં ફરી વાર 10,000થી વધારે કેસ આવવા લાગ્યા 
- વેક્સિનેશન પહેલા અને પછી માસ્કનો ઉપયોગ ફરજિયાત
- પ્રીકોશન ડોઝ મોતની ગંભીરતામાં ઘટાડો કરે છે
- ભીડ ભેગી કરવાનું ટાળવું જોઈએ.
- સરકાર તમામ પાત્ર વૃદ્ધોને પ્રીકોશન ડોઝ માટે મેસેજ મોકલશે