કોવિડ 19 / કોરોના માં સાત ફેરા: હોસ્પિટલમાં લગ્ન, વરરાજા સંક્રમિત થયા તો PPE કીટ પહેરીને દુલ્હને પહેરાવી વરમાળા

• કોરોના સમય વચ્ચે થયા લગ્ન 
• કેરળમાં બની આ ઘટના
• જિલ્લા કલેકટરે આપી પરવાનગી 

કેરોલાની અલાપ્પુઝા મેડિકલ કોલેજ અને હોસ્પિટલમાં કોરોના સમયગાળા દરમિયાન એક દંપતીનાં લગ્ન થયાં. આ સમય દરમિયાન, દુલ્હન કોરોના પોઝિટિવ હોવાથી પીપીઆઈ કીટ પહેરીને જોવા મળી હતી. આ લગ્ન જિલ્લા કલેક્ટરની પરવાનગીથી થયાં હતાં.

Kerala: A couple tied knots at Alappuzha medical college and hospital today, with the bride wearing a PPE kit as the bridegroom is #COVID19 positive. The wedding took place at the hospital with the permission of the District Collector. pic.twitter.com/2IdsRDvcHZ

— ANI (@ANI) April 25, 2021

કેરળમાં કેસોમાં વધારો 

મહત્વનું છે કે શનિવારે કેરળમાં 73 આરોગ્ય કર્મચારીઓ સહિત 26,685 વધુ લોકોને કોવિડ -19 ચેપ લાગ્યો હતો. આ સાથે રાજ્યમાં સારવાર હેઠળના દર્દીઓની સંખ્યા વધીને લગભગ 1.98 લાખ થઈ ગઈ છે.

કેરળ સરકારે કહ્યું કે રાજ્યમાં અત્યાર સુધીમાં 13,77,186 લોકોને કોરોના વાયરસથી ચેપ લાગ્યો છે. સરકારના જણાવ્યા અનુસાર છેલ્લા 24 કલાક દરમિયાન રાજ્યમાં ચેપને કારણે 25 વધુ લોકોનાં મોત નીપજ્યાં છે, જેમાં અહીંના રોગચાળાને કારણે કુલ 5,080 લોકોનાં મોત નીપજ્યાં છે.

સીએમએ ખાનગી હોસ્પિટલોને મદદની ખાતરી કરી

મુખ્યમંત્રી પિનરાઇ વિજયને જાગૃત રહેવા અને ચેપના ફેલાવાને રોકવા માટે લોકોને સાવચેતીના પગલામાં શિથિલ ન રહેવાની અપીલ કરી છે. વિજયને કહ્યું કે સરકારે આજે ખાનગી હોસ્પિટલોના મેનેજમેન્ટ સાથે વાત કરી હતી અને તેઓએ સરકારને તમામ પ્રકારના સહકાર આપવાની ખાતરી આપી છે.