મહામારી / ગુજરાતની આ ખાનગી હોસ્પિટલનો મોટો નિર્ણય, કોરોના વાયરસના દર્દીની સારવાર કરશે ચાર્જ લીધા વગર

• રાજ્યમાં કોરોનાનો કહેર યથાવત
• રાજકોટની ક્રાઇસ્ટ હોસ્પિટલનો મોટ નિર્ણય
• કોરોનાના દર્દીની સારવાર કરશે એકદમ મફતમાં

ત્યારે રાજકોટ ક્રાઇસ્ટ હોસ્પિટલ દ્વારા જાહેરાત કરવામાં આવી છે કે તેમને ત્યાં ગત 16મી એપ્રીલથી કોરોના વાયરસના દર્દીઓ પાસેથી કોઈપણ જાતનો ચાર્જ વસૂલવામાં નહીં આવે. 

ખાનગી હોસ્પિટલે એકપણ રૂપિયાનો ચાર્જ ન વસૂલવાનો લીધો નિર્ણય

ઉલ્લેખનીય છે કે કોરોનાવાયરસ ના દર્દીઓ પાસેથી ખાનગી હોસ્પિટલો સારવારના નામે લાખો રૂપિયા પડાવી રહી છે ત્યારે રાજકોટની ક્રાઇસ્ટ હોસ્પિટલ દ્વારા કોરોનાવાયરસ ના દર્દી પાસેથી એક પણ રૂપિયાનો ચાર્જ નહીં વસૂલવાનું નક્કી કર્યું છે.

ક્રાઇસ્ટ હોસ્પિટલ સાથે કરાયો કરાર

આ બાબતે ક્રાઇસ્ટ હોસ્પિટલ દ્વારા રાજ્ય સરકારના  આરોગ્ય વિભાગ સાથે એક કરાર પણ કરવામાં આવ્યો છે. ત્યારે હાલ રાજકોટની ક્રાઇસ્ટ હોસ્પિટલ માં 50 બેડની COVID 19 હોસ્પિટલ ઉભી કરવામાં આવી છે. 

કોરોનાના દર્દીની કરાઇ સારવાર 

ત્યારે અત્યાર સુધીમાં અનેક શંકાસ્પદ દર્દીઓની સારવાર હોસ્પિટલ દ્વારા કરવામાં આવી છે.તો એક કોરોના પોઝિટિવ વાયરસ ધરાવતા દર્દીની સારવાર પણ હોસ્પિટલ દ્વારા કરવામાં આવી હતી જે સ્વસ્થ થતાં તેને રજા આપવામાં આવી છે.