- તબલીગી જમાતના કાર્યક્રમનું ગુજરાત કનેકશન પણ સામે આવ્યું
- આરોગ્ય વિભાગ અને પોલીસ તપાસ કરી રહી હોવાનો દાવો
- અફરાતફરી ન ફેલાય તે માટે સરકાર સાવચેતી રાખી રહી છે
તબલીગી જમાતના કાર્યક્રમનું ગુજરાત કનેકશન પણ સામે આવ્યું હોવાનું નાયાબ મુખ્યમંત્રીએ જણાવ્યુ હતુ જેને પગલે ખળભળાટ મચી ગયો છે. આરોગ્ય વિભાગ અને પોલીસ તપાસ કરી રહી હોવાનો દાવો કર્યો હતો. અફરાતફરી ન ફેલાય તે માટે સરકાર સાવચેતી રાખી રહી છે. આરોગ્ય વિભાગને તપાસમાં ગુજરાતના નાગરિકો સહયોગ આપે તેવું પણ નાયાબ મુખ્યમંત્રીએ કહ્યુ હતુ.
આ મામલે ગુજરાત પોલીસ વડાએ કરી પુષ્ટી
ગુજરાતના ડીજીપીએ પણ આ માલે ડેપ્કયુટી સીએમની પુષ્ટિ કરી છે. ડીજીપીએ કહ્યું ભાવનગરથી કેટલાક લોકો ગયા હોવાની બાતમી મળી હતી.
ભાવનગરમાં ગઈકાલે એકનું મોત અને 4 કેસ પોઝિટિવ
ભાવનગરમાં એકસાથે પાંચ કેસ પોઝિટિવ આવ્યા હતા જેને પગલે એવી શંકા સેવાઈ રહી છે કે, આ લોકોનું તબલીગી સમાજ સાથે કનેક્શન છે. જો આ વાત સાબિત થશે તો એક સાથે ઘણા લોકો કોરોના પોઝિટિવ આવી શકે છે.
શું છે તબલીગી જમાત?
તબલીગી જમાત ઇસ્લામિક મિશનરી આંદોલન છે. જેની સ્થાપના 1926માં કરાઇ હતી અને તેના દુનિયાભરમાં સભ્યો છે. આ કાર્યક્રમમાં મલેશિયા, ઇન્ડોનેશિયા, થાઇલેન્ડ, નેપાળ, મ્યાનમાર, કિર્ગિસ્તાન અને સાઉદી અરબથી તબલીગી સભ્યો આવ્યા હતા. કાર્યક્રમમાં અફઘાનિસ્તાન, અલ્જીરિયા, જિબૂતી, શ્રીલંકા, બાંગ્લાદેશ, ઇંગ્લેન્ડ, ફીજી, ફ્રાન્સ અને કુવૈતથી સદસ્યો આવ્યા હતા.
દિલ્હીમાં થયા છે 7 લોકોના મોત
કોરોના વાયરસની મહામારી વચ્ચે દિલ્હીના નિઝામુદ્દીન વિસ્તારમાં બનેલા મરકઝમાં થયેલા ધાર્મિક કાર્યક્રમથી સાત લોકોના કોરોના વાયરસથી મોત થયા છે. જ્યારે 300થી વધારે લોકોનો કોરોના વાયરસના લક્ષણો બાદ ટેસ્ટ કરાઇ રહ્યો છે.
મંગળવારે સવારે તબલીગી જમાતના દિલ્હી મુખ્યાલય એટલે કે નિઝામુદ્દીનને સીલ કરી દેવામાં આવ્યું અને ત્યાં રહી રહેલા 800 લોકોને બસોમાં લઇ જઇને શહેરની અલગ-અલગ જગ્યાએ ક્વારન્ટાઇન કરી દેવામાં આવ્યા છે. દિલ્હીના સ્વાસ્થ્ય મંત્રી સત્યેન્દ્ર જૈને કહ્યું, અત્યાર સુધીમાં ત્યાં રોકાયેલા 24 લોકોના કોરોના વાયરસ પોઝિટિવ હોવાની પુષ્ટી થઇ ચૂકી છે. આ ગંભીર ગૂનો છે.
આરોગ્ય સર્વે મામલે પણ કર્યો ખુલાસો
ડેપ્યુટી સીએમ નીતિન પટેલે જણાવ્યુ હતુ કે, રાજ્યના તમામ ઘરો સુધી સ્ક્રિનિંગ કરાયું, તાવ, શરદી, ખાંસીના લક્ષણો અંગે તપાસ કરવામાં આવી, આરોગ્ય વિભાગ સતત કામ કરી રહ્યું છે. પ્રાઈવેટ દવાખાના ખુલ્લા રાખી શકાય છે. કોઈ હોસ્પિટલાઈઝ હોય તો તેની સારવાર ચાલુ જ રહેશે. જીવનજરૂરિયાત વસ્તુઓ માટેની દુકાનો માટે ખાસ પાસ ઈશ્યુ કરાયા છે. દરરોજ ચર્ચા કરીને કોરના સામે લડવા માટે નવા નિર્ણયો લઈએ છીએ.
માન્યો આ લોકોનો આભાર
મેડિકલ અને પેરામેડિકલ સ્ટાફ અને આશા વર્કર બહેનો સતત કામ કરી રહ્યો છે. સફાઈ કામદારો સતત સ્વચ્છતા માટે કામ કરી રહ્યા છે જેમનો આભાર માનવો ઘટે. પોલીસ, પત્રકાર અને અન્ય સ્ટાફનો પણ આભાર માન્યો આવતીકાલથી સસ્તા અનાજની દુકાનથી રેશનીંગનો જથ્થો અપાશે, વિના મૂલ્યે રેશનીંગનો જથ્થો આપવામાં આવશે.
