આદેશ / રાહુલ ગાંધી સામે બદનક્ષીના કેસની ટ્રાયલ ઝડપથી ચલાવવા સુરતની ટ્રાયલ કોર્ટને HCનો હુકમ, "મોદી" અટકનો છે મામલો

• પૂર્ણેશ મોદીએ રાહુલ ગાંધી સામે કરેલા બદનક્ષીના કેસનો વિવાદ
• પૂર્ણેશ મોદીએ હાઇકોર્ટમાં કરેલી અરજી પાછી ખેંચી
• કેસની ટ્રાયલ ઝડપથી ચલાવવા સુરતની ટ્રાયલ કોર્ટને HCનો હુકમ

પૂર્વ મંત્રી પૂર્ણેશ મોદીએ રાહુલ ગાંધી સામે કરેલા બદનક્ષીના કેસનો વિવાદ ફરી વાર સામે આવ્યો છે. બદનક્ષીના કેસની ટ્રાયલ ઝડપથી ચલાવવા સુરતની ટ્રાયલ કોર્ટને HCનો હુકમ કર્યો છે. પૂર્ણેશ મોદીએ હાઇકોર્ટમાં કરેલી અરજી પાછી ખેંચી છે. રાહુલ ગાંધીએ આપેલા નિવેદનની સીડી બનાવી હતી. 

રાહુલ ગાંધીએ આપેલા નિવેદનની બનાવી હતી સીડી
રાહુલ ગાંધી સામે કરેલા બદનક્ષીના કેસમાં સીડીને પુરાવો નોંધવામાં આવે તે પ્રકારની પૂર્ણેશ મોદીએ માંગણી કરી હતી. સુરત જિલ્લા અદાલતે પૂર્ણેશ મોદીની અરજીને ફગાવી હતી. અરજી ફગાવતા પૂર્ણેશ મોદીએ હાઇકોર્ટમાં અરજી કરી હતી. રાહુલ ગાંધીએ ચૂંટણી વખતે આપેલા નિવેદનને લઈ દાવો કર્યા હતો. તમને જણાવી દઈએ કે, લોકસભા ચૂંટણી વખતે "મોદી" અટકને લઈ નિવેદન આપ્યું હતું. નિવેદન બાદ રાહુલ ગાંધી સામે બદનક્ષીનો દાવો કર્યો છે. HCમાં પડતર કેસના કારણે કેસની ટ્રાયલમાં વિલંબ થતો હોવાની પૂર્ણેશ મોદીએ રજૂઆત કરી હતી. હાલ પૂરતા પુરાવાઓ સામે આવી ચૂક્યા હોવાની પણ રજૂઆત કરાઈ છે. રાહુલ ગાંધી તરફથી આ હકીકત સાચી નહીં હોવાની રજૂઆત કરાઈ છે. અરજદાર તરફથી થયેલું નિવેદન હકીકત દોષ વાળું હોવાનો રાહુલ ગાંધીના વકીલનો દાવો છે.

શું છે મામલો
વર્ષ 2019માં ચૂંટણી પ્રચાર દરમિયાન તેમના પર આરોપ લગાવવામાં આવ્યો હતો કે તેઓએ મોદી સમાજનું અપમાન કર્યું, પૂર્વ મંત્રી પર્ણેશ મોદીએ એવો આક્ષેપ કર્યો હતો કે, કોંગ્રેસ નેતા રાહુલ ગાંધીએ ચૂંટણી સભામાં સંબોધન દરમિયાન દરેક ચોરની અટક 'મોદી' કેમ હોય છે એવા કરેલા નિવેદન બાદ તેમના પર માનહાનિનો આક્ષેપ લગાવવામાં આવ્યો હતો અને સુરત પોલીસ સ્ટેશનમાં કેસ થતા તેઓ  સુરત સેશન્સ કોર્ટમાં સુનાવણી દરમિયાન હાજર રહ્યાં હતાં.