કૃષિ વિભાગ / ગુજરાતના ખેડૂતો જે જાણવા માંગતા હતા તે આંકડો આવ્યો બહાર, સરકારે જુઓ કેટલો પાક વીમો ચૂકવ્યો

• વિધાનસભામાં વીમા કંપનીના પ્રીમિયમનો મુદ્દો 
• 1600 કરોડથી વધુ રકમ સરકારે ચૂકવી
• વીમા કંપનીઓએ માત્ર 149 કરોડ જ ચુકવ્યાં!

ખેડૂતોને ચૂકવાયેલા વીમાને લઈને કોંગ્રેસના MLA ભીખા જોશીના પ્રશ્ન પર સરકારે ગૃહમાં જવાબ આપતાં જણાવ્યુ કે, રાજ્ય સરકારે છેલ્લા બે વર્ષમાં 1600 કરોડનું પાક વીમો ચૂકવણી કરી છે. માત્ર 6 કંપનીઓને 1600 કરોડથી વધુની રકમ ચૂકવવામાં આવી છે. તો બીજી તરફ વીમા કંપનીઓએ ખેડૂતોને 1600 કરોડની સામે માત્ર 149 કરોડ જ ચૂકવ્યા છે. 2019-20 રવી-ઉનાળુ પાકમાં ખેડૂતોને કંપનીઓએ આ રકમની ચૂકવણી કરી છે.

મહત્વનું છે કે, ગુજરાત વિધાનસભાની કામગીરી માર્ચ મહિનાથી સત્રો શરૂ થયા છે. ત્યારે 3 માર્ચના દિવસે સરકારે બજેટ રજૂ કર્યું હતું. જે બાદ પ્રશ્નોત્તરીકાળમાં ધારાસભ્યો દ્વારા સરકારની પાછલા વર્ષની કામગીરી મુદ્દે સવાલો થઈ રહ્યા છે. જે મામલે આજે વિધાનસભામાં જૂનાગઢના કોંગ્રેસી ધારાસભ્ય ભીખાભાઈ જોષીએ પાકવીમાના પ્રીમયમ અને વળતર મુદ્દે સવાલો ઉઠાવ્યા હતા. જેના જવાબમાં સરકારે વળતર પેઠે કેટલા કરોડ ચૂકવ્યા તેની જાણકારી આપી હતી. 

તો વિધાનસભા ગૃહમાં મુખ્યમંત્રી વિજય રૂપાણીએ પાકવીમા મામલે નિવેદન આપ્યું છે. વિજય રૂપાણીએ જણાવ્યું કે, સરકાર ખેડૂતોના હિતમાં નવી પાકવીમા નીતિ લાવી છે. ધારાસભ્યો તરફથી વીમા કંપનીઓ વળતર ના આપતી હોવાની ફરિયાદો મળી હતી. આથી સરકારે ખેડૂતોને નુકસાન પેટે વળતર આપવાનું નક્કી કર્યું છે.