વિરોધ / રાહુલ ગાંધીએ ફરી પેદા કર્યો વિવાદ, મંજૂરી લીધા વગર ઘુસી ગયા DU હોસ્ટેલમાં, સત્તાવાળાઓએ ઉઠાવ્યો વાંધો

• કોંગ્રેસ નેતા રાહુલ ગાંધી વધુ એક વિવાદમાં સપડાયા
• દિલ્હી યુનિવર્સિટીની ગેરકાયદે મુલાકાત કરી હોવાની રાવ
• વિદ્યાર્થીઓને પડતી સમસ્યા અંગે કરી ચર્ચા 

કોંગ્રેસ નેતા રાહુલ ગાંધી વધુ એક વિવાદમાં સપડાયા છે જેમાં દિલ્હી યુનિવર્સિટીએ પૂર્વ સાંસદ અને કોંગ્રેસનેતા રાહુલ ગાંધીની યુનિવર્સિટીની મેન્સ હોસ્ટેલમાં મુલાકાત ને ગેરકાયદે ગણાવી વાંધો ઉઠાવ્યો છે દિલ્હી યુનિવર્સિટીએ સત્તાવાર રીતે નિવેદનમાં જણાવ્યું કે કોંગ્રેસ નેતા રાહુલ ગાંધી હોસ્ટેલમાં એકાએક ગેરકાયદે આવ્યા હોવાથી સુરક્ષા મામલે સવાલો ઉભા થયા છે.રાહુલ ગાંધીએ મુલાકાત દરમિયાન વિદ્યાર્થીઓને પડતી સમસ્યા અંગે ચર્ચા કરી હતી. ઉપરાંત કારકિર્દીની યોજનાઓ વિશે માહિતી આપી હતી અને તેમણે હોસ્ટેલના વિદ્યાર્થીઓ સાથે બપોરનું ભોજન પણ લીધું હતું.

રાહુલ ગાંધીની દિલ્હી યુનિવર્સિટીની મુલાકાત બિનઅધિકૃત- DU અધિકારી#Delhi #RahulGandhi #delhiuniversity #vtvgujarati pic.twitter.com/1ISeFZ5oL8

— VTV Gujarati News and Beyond (@VtvGujarati) May 6, 2023

કંઈક થાય તો જવાબદાર કોણ ?
કોંગ્રેસ નેતા રાહુલ ગાંધીએ શુક્રવારે દિલ્હી યુનિવર્સિટીની મુલાકાત લીધી હતી. જેને લઈને યુનિવર્સિટીના રજની અબ્બીસે આક્ષેપ કર્યો હતો કે રાહુલ ગાંધીના આ પ્રકારે મુલાકાતને પગલે વિદ્યાર્થીઓમાં અવ્યવસ્થા સર્જાઇ હતી. સાથે જ રાહુલ ગાંધીએ કોઈપણ પ્રકારની પરવાનગી લીધી ન હોવાથી આ મુલાકાત ગેરકાયદે હોવાનો ઉલ્લેખ કર્યો હતો. કમ સે કમ પ્રોડક્ટર કંપનીને જાણ કરવી જરૂરી હોય છે. તમારી પાસે ઝેડ પ્લસ સુરક્ષા છે. છતાં પણ કંઈક થાય તો જવાબદાર કોણ ? તેવો અણિયારો સવાલ પણ ઉઠાવ્યો હતો.

વિદ્યાર્થીને મુશ્કેલી પડી હોવાનો દાવો

રજની અબ્બીસે વધુમાં કહ્યું કે રાહુલ ગાંધીની આ પ્રકારની મુલાકાતને લઈ અને અમને વાંધો છે આ કોઈ સાર્વજનિક સ્થળ નથી જ્યાં તમે ગમે ત્યારે પહોંચી શકો છો! તમે લંચના સમયે પહોંચી જાઓ છો જે દરમિયાન ભોજન તૈયાર કરવામાં આવી રહ્યું છે. વધુમાં રાહુલ ગાંધી સાથે બહારના ઘણા લોકો પણ હોવાથી સુરક્ષા મામલે પણ સવાલો ઉઠી રહ્યા છે. તેઓ સાથે કોઈ પણ પૂર્વ સુચના વિના આવ્યા હતા તેમણે કહ્યું કે આ યોગ્ય નથી તેનાથી હોસ્ટેલના વિદ્યાર્થીને મુશ્કેલી પડે છે. અવ્યવસ્થાથી અમુક વિદ્યાર્થીને ભોજન ન મળ્યું હોવાની પણ લેખિત ફરિયાદ કરાઈ હતી.