જામનગર / કોંગ્રેસ નેતા નયનાબા જાડેજાનો ભાજપ પ્રેમ, તંજ કસતા કહ્યું MLA હકુભા જાડેજા જીતશે, નિવેદનથી કોંગ્રેસ પણ મૂંઝવણમાં

• પ્રદેશ મહિલા કોંગ્રેસ નેતા નયનાબા જાડેજાનો ભાજપ પ્રેમ 
• ક્રિકેટર રવિન્દ્રસિંહ જાડેજાના બેન નયનાબા જાડેજાનું મોટું નિવેદન
• ભાજપ હકુભાને ટિકિટ ન આપે તો આ સીટ પર થશે હાર : નયનાબા

જામનગર ઉત્તર 78 વિધાનસભા બેઠકમાં દાવેદારીને લઇને લાંબા સમયથી અટકળોની આંધી જામી છે.  જેમાં ધારાસભ્ય હકુભા જાડેજાની ટિકિટ પર જોખમ છે અને તેમના સ્થાને ક્રિકેટર રવીન્દ્ર જાડેજાના પત્ની રિવાબાને ભાજપ ટિકિટ આપી શકે છે. તેવું જાણવા મળી રહ્યુ છે.  આ મામલે પ્રદેશ મહિલા કોંગ્રેસ નેતા નયનાબા જાડેજાનું નિવેદન સામે આવ્યું છે. ક્રિકેટર રવિન્દ્રસિંહ જાડેજાના બેન નયનાબા જાડેજાએ જણાવ્યું કે જો ભાજપ હકુભાને ટીકિટ ન આપે તો ભાજપ આ સીટ ગુમવાશે.  આમ હકુભા જાડેજાને દમદાર ઉમેદવાર ગ્ણાવતા રાજકારણમાં ગરમાવો આવ્યો છે. બીજી બાજુ ભાજપના ધારાસભ્ય હકુભા જાડેજાને કોંગ્રેસના નયનાબા જાડેજાએ વખાણતા કોંગી નેતાઑ પણ મૂંઝવણમાં મુકાયા હતા.  

હાઇકોર્ટે હકુભાને રાહત આપવાનો ઇનકાર કર્યો
ગુજરાત વિધાનસભાની ચુંટણીની જાહેરાત પહેલા જામનગર ભાજપના ધારાસભ્ય હકુભાને સૌથી મોટો ફટકો પડ્યો છે, હાઇકોર્ટે ક્રિમિનલ કેસમાં હકુભાને  રાહત આપવાનો ઇન્કાર કર્યો છે. એક બાજુ જામનગર ઉત્તર બેઠક પર ક્રિકેટર રવીન્દ્ર જાડેજાના પત્ની રિવાબા દાવેદાર છે. જેને ટિકિટ મળે તેવા ઉજવા સંજોગો વર્તાઇ રહ્યા છે.  તેવામાં હાઇકોર્ટેના આદેશને લઇને હકુભાની મુશ્કેલીમાં વધારો થયો છે.  એક તરફ ભાજપ ગમે ત્યારે ઉમેવારોનું લિસ્ટ જાહેર કરે તેવી સ્થિતિ છે. ત્યારે હાઇકોર્ટે હકુભાને રાહતનો ઇનકાર કર્યો છે. 

રાજ્ય સરકારે કરેલી અરજીને હાઇકોર્ટે ફગાવી છેઃ હકુભા
બીજી તરફ હકુભાનું નિવેદન સામે  આવ્યું છે. જેમાં કહ્યું કે 2007માં 200થી વધુ લોકો આંદોલનમાં હતા. 48 લોકો પર જે-તે સમયે કેસ થયો હતો. ખેડૂત હિત રક્ષક સમિતની અધ્યક્ષતામાં અમારું આંદોલન હતું. હાઇકોર્ટમાં રાજ્ય સરકારે કેસ પાછો ખેંચવા માટે અરજી કરી હતી. રાજ્ય સરકારે કરેલી આ અરજીને હાઇકોર્ટે ફગાવી હોવાનું  હકુભાએ જણાવ્યું હતું.