રાજનીતિ / ભાજપનો ગઢ ગણાતી અમદાવાદની આ બેઠક પર કોંગ્રેસે અજમાવ્યો નવો દાવ, આ પાટીદાર ચહેરાને આપી ટિકિટ

Priyakant

Last Updated: 04:32 PM, 14 November 2022

FOLLOW ON

શેર કરો

કોંગ્રેસે વિધાનસભાની ચૂંટણીને લઈ અમદાવાદની વેજલપુર વિધાનસભામાં રણનીતિ બદલી હોવાનું સામે આવ્યું, જૈનની જગ્યાએ પાટીદારને આપી ટિકિટ

અમદાવાદની વેજલપુર વિધાનસભામાં કોંગ્રેસે બદલી રણનીતિ
જૈનની જગ્યાએ પાટીદાર ચેહરાની આપી ટિકિટ
રાજેન્દ્ર પટેલને કોંગ્રેસે વેજલપુરથી આપી ટિકિટ

ગુજરાતમાં વિધાનસભા ચૂંટણીના મતદાનને હવે માત્ર ગણતરીના દિવસ જ બાકી રહ્યા છે ત્યારે તમામ રાજકીય પાર્ટીઓ દ્વારા ધડાધડ ઉમેદવારો જાહેર કરવામાં આવી રહ્યા છે. જોકે હવે કોંગ્રેસે વિધાનસભાની ચૂંટણીને લઈ અમદાવાદની વેજલપુર વિધાનસભામાં રણનીતિ બદલી હોવાનું સામે આવ્યું છે. વિગતો મુજબ કોંગ્રેસે વેજલપુરમાં જૈનની જગ્યાએ પાટીદાર ચહેરાને ટિકિટ આપી છે.

અમદાવાદની વેજલપુર વિધાનસભામાં કોંગ્રેસે રણનીતિ બદલી છે. મહત્વનું છે કે, વેજલપુર બેઠકને ભાજપનો ગઢ ગણવામાં આવે છે. જેને લઈ હવે કોંગ્રેસે જૈનની જગ્યાએ પાટીદાર આગેવાન રાજેન્દ્ર પટેલને ટિકિટ આપી છે. આ તરફ રાજેન્દ્ર પટેલે વેજલપુરમાં કોંગ્રેસની જીતનો દાવો કર્યો છે. મહત્વનું છે કે, ભાજપ કે કોંગ્રેસ જેમ-જેમ નામો જાહેર કરે છે તેમ તેમ અનેક જગ્યાએથી નારાજગી પણ જોવા મળી રહી છે.

મહત્વનું છે કે, ભારતીય જનતા પાર્ટીએ 166 ઉમેદવાર જાહેર કરી દીધા છે. આ તરફ કોંગ્રેસે પણ અત્યાર સુધી 142 ઉમેદવાર જાહેર કર્યા છે. આમ આદમી પાર્ટીએ પણ માટો ભાગની બેઠકો પર ઉમેદવારો જાહેર કર્યા છે. જોકે, હજુ પણ અમુક બેઠકો પર ભાજપ, આપ અને કોંગ્રેસનું કોકડું ગૂંચવાયેલું છે. આ બધાની વચ્ચે જેમ જેમ ઉમેદવારો જાહેર કરવામાં આવી રહ્યાં છે તેમ તેમ રાજકીય માહોલ પણ ગરમાતો જાય છે. ભાજપ, કોગ્રેસ અને આમ આદમી પાર્ટીમાં ઉમેદવારોને લઈ ક્યાંક નારાજગી જોવા મળી રહી છે.

સંકળાયેલા મુદ્દાઓ

Gujarat election 2022 અમદાવાદ કોંગ્રેસ ઉમેદવાર ગુજરાત ચૂંટણી 2022 વેજલપુર Gujarat Elections 2022