- PM મોદીએ ખેડામાં જનસભાનું કર્યું સંબોધન
- આતંકવાદને લઇ કોંગ્રેસ પર કર્યા આકરા પ્રહારો
- પાવાગઢમાં 500 વર્ષ બાદ સનાતન ધર્મની ધજા ફરકી : મોદી
નેત્રંગમાં PM મોદીએ ઝંઝાવાતી પ્રચાર કરી જનસભા સંબોધી હતી. ત્યારબાદ PM મોદીએ ખેડામાં જનસભાનું સંબોધન કયું હતું. આ દરમિયાન પીએમ મોદીએ આતંકવાદને કોંગ્રેસને આડેહાથ લીધી હતી. જેમાં તેમણે કહું કે કોંગ્રેસની સરકાર આતંકને ટાર્ગેટ કરવાને બદલે મોદીને ટાર્ગેટ કરતી હતી. પરતું ભાજપ સરકાર આતંકને નાબુદ કરવા કાર્યવાહી કરી રહી છે.
આતંકવાદ અટકાવવા ભાજપે ગુજરાતમાં જિણવટભરી કાર્યવાહી કરી
આ દરમિયાન PM મોદીએ મુંબઇમાં 26-11 ના રોજ થયેલા આતંકી હુમલાનું દુ:ખ વ્યક્ત કરીને કહ્યું હતું કે એ આતંકની પરાકાષ્ટા હતી. પરતું ગુજરાત પણ લાંબા સમય સુધી આતંકના નિશાના ઉપર રહ્યું છે. જેમાં સુરત, અમદાવાદમાં સિરિયલ બ્લાસ્ટનો ઉલ્લેખ કરી જણાવ્યું કે જેમાં મોટી સંખ્યામાં લોકોના મોત થયા હતા. આ પ્રકરણમાં કોર્ટે કશૂરવારોને આકરી સજા પણ આપી છે. આતંકવાદ અટકાવવા ભાજપે ગુજરાતમાં જિણવટભરી કાર્યવાહી હાથ ધરી છે.
હવે શહેરો તો ઠીક સીમા પર પણ આતંકી હુમલા અટક્યાં
વધુમાં મોદીએ કહ્યું કે અમે ગુજરાતમાં આતંકીને પકડી આકરી કાર્યવાહી કરતા હતા ત્યારે દિલ્હીમાં કોંગ્રેસ સરકાર આતંકવાદીઑને બચાવત મહેનત કરતી હતી. કોંગ્રેસની સરકાર આતંકને ટાર્ગેટ કરવાને બદલે મોદીને ટાર્ગેટ કરતા રહ્યાં જેથી આતંક વકાર્યો હતો. કોંગ્રેસ ઉપરાંત હવે મોટા ભાગના આવા પક્ષો તૃષ્ટીકરણની રાજનીતિ કરી રહ્યાં છે. જેનાથી ગુજરાતે સતર્ક રહેવાની જરૂર છે. 2014 માં તમારા એક મતે આતંકવાદને કચડવામાં ખૂબ મદદ કરી છે. હવે શહેરો તો ઠીક પણ સીમા પર પણ આતંકી હુમલા અટક્યાં છે. છતાં કોંગ્રેસ અને વિરોધીએ સર્જીકલ સ્ટાઇક જેવા સેનાના સમર્થ પર પણ શંકા ઉપજાવે છે. ભાજપ સરકાર આતંકવાદ સામે બમણી તાકાતથી લડી રહી છે. ગુજરાતને આતંકી ઘટનાઑથી બચાવવું છે.
પાવાગઢમાં 500 વર્ષ બાદ સનાતન ધર્મની ધજા ફરકી
વડાપ્રધાને કહ્યું કે જેમ આપડુ આધાર કાર્ડ છે એમ પશુઓના આધાર કાર્ડ બનાવવાની દિશામાં પણ કાર્યવાહી કરવામાં આવી રહી છે. પ્રધાનમંત્રી કિશાન યોજનાથી વર્ષમાં ત્રણ વખત ખેડૂતોને સીધા રૂપિયા મળી રહ્યાં છે. હવે ખેત મજૂરો માટે પેન્સન યોજના લાવવાનું અમે વિચારી રહ્યા છીએ તેમ પણ મોદીએ કહ્યું હતું. વધુમાં મોદીએ કહ્યું કે 'જનઔષધી સ્ટોર થકી જે દબા 1000-2000ની થાય તે 10-20 રૂપિયામાં મળી રહી છે. પાવાગઢમાં 500 વર્ષથી ધજા નહોતી જેથી હું વડોદરા નોકરી કરતો ત્યાં જતો તો મને અપમાનજનક લાગતું. ત્યારબાદ તમે મને મુખ્યમંત્રી બનાવ્યો અને બાદમાં દિલ્હી મોકલ્યો જેથી આજે પાવાગઢમાં 500 વર્ષ બાદ સનાતન ધર્મની ધજા ફરકી રહી છે, તેમ પણ જણાવી મોદીએ અંતમાં કહ્યું હતું કે, ગુજરાતના ભલા માટે ભાજપને મત આપજો.
