બચાવ કાર્ય / VIDEO: ચાઈનીઝ જહાજની મદદે પોરબંદર કોસ્ટગાર્ડ, કૃ-મેમ્બરને હાર્ટ એટેક આવતા અડધી રાત્રે કર્યું રેસ્ક્યૂ

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

• કોસ્ટગાર્ડનું મધદરિયે દિલધડક રેસ્કયું ઓપરેશન
• ચાઇનાના જહાજમાં એક ક્રૂ મેમ્બરને આવ્યો હાર્ટ એટેક
• અડધી રાત્રે દરિયામાં 200 કિલોમીટર દૂર કોસ્ટગાર્ડનું ઓપરેશન

ભારતીય સીમાથી 200 કિલોમીટર દૂર મધદરિયે એક ચાઈનીઝ જહાજની મદદએ ભારતીય કોસ્ટકાર્ડના જવાનો પહોંચ્યા હતા. ચાઈનીઝ જહાજના એક કૃ મેબ્બરને અડધી રાત્રે હાર્ટ અટેક આવતા મેડિકલ ઈમરજન્સીની જરૂર જણાઇ  હતી. આથી ચાઈનીઝ જહાજે ભારતીય કોસ્ટ ગાર્ડની મદદ માગી હતી. ત્યારબાદ અડધી રાત્રે દમણ અને પોરબંદરના કોસ્ટ ગાર્ડના જવાનોએ દરિયામાં 200 કિલોમીટર દૂર રાતના અંધકારમાં જઈ અને દિલધડક રેસ્ક્યુ ઓપરેશન કર્યું હતું.આ સમગ્ર ઓપરેશનમાં મેડિકલ ટીમને એક મહિલા અધિકારીએ લીડ કરી હતી. આમ ઇમરજન્સીના સમયે ચાઈનીઝ જહાજની મદદએ ભારતીય કોસગાર્ડના જવાનો એ પહોંચી અને એક ચાઈનીઝ ક્રુ મેમ્બર નો જીવ બચાવ્યો હતો. 

ચાઇનીઝ જહાજે ભારતીય કોસ્ટ ગાર્ડની મદદ માગી
ભારતીય કોસગાર્ડની માનવતાનો કિસ્સો સામે આવ્યો છે.જેમાં ભારતીય સીમાથી 200 કિલોમીટર દૂર મધદરિયે ચીનથી યુએઈ જઈ રહેલા એક ચાઈનીઝ રિસર્ચ જહાજમાં સવાર એક કૃ મેમ્બરને હાર્ટ એટેક આવ્યો હતો. આ દરમિયાન હાર્ટએટેકની સારવારની જરૂરી સુવિધા ચાઈનીઝ જાહાજમાં નહીં હોવાથી તાત્કાલિક ચાઇનીઝ જહાજે ભારતીય કોસ્ટ ગાર્ડની મદદ માગી હતી.  પ્રથમ મુંબઈ કોસ્ટગાર્ડને તેનો સંદેશો મળતા જ તાત્કાલિક પોરબંદર અને દમણના કોસ્ટગાર્ડને એલર્ટ કરવામાં આવ્યા હતા.

ભારતીય કોસ્ટ ગાર્ડના જવાનોનું પરાક્રમ
આથી અડધી રાત્રે દમણ અને પોરબંદરના જવાનોએ ભારતીય બનાવટના ધ્રુવ હેલિકોપ્ટર દ્વારા 200 કિલોમીટર દૂર દરિયામાં પહોંચ્યા હતા. જો કે અડધી રાત્રે રાતના અંધકારમાં ચાઇનાના જહાજ પર હેલિકોપ્ટર લેન્ડ થઈ શકે તેવી પરિસ્થિતિ ન હોવાથી ભારતીય જવાનોએ ચાઈનીઝ મેમ્બરને એરલિફ્ટ કર્યા હતા. ત્યારબાદ તેમને હેલિકોપ્ટરમાં જ પ્રાથમિક સારવાર આપી હતી.  દમણ કોસ્ટગાર્ડ એર સ્ટેશન લાવી અને તેમને હોસ્પિટલમાં દાખલ કર્યા હતા. ઓપરેશન અંગે દમણ કોસગાર્ડના કમાન્ડિંગ ઓફિસર એસ વાજપાઈએ મીડિયાને માહિતગાર કર્યા હતા અને ભારતીય કોસ્ટ ગાર્ડના જવાનોના પરાક્રમને બિરદાવ્યું  હતું.