ચુકાદો / પિતાને સંતાનોથી દૂર રાખતી માં ને હાઇકોર્ટે કહ્યું, બાળકોને માતાપિતા પાસેથી પ્રેમ મેળવવાનો અધિકાર છે

• બોમ્બે હાઇકોર્ટનો મહત્વનો ચુકાદો 
• માતા પિતા બંનેનો પ્રેમ સંતાનો માટે જરૂરી 
• માતાએ સંતાનોને પિતા સાથે મળવા ન દીધા 

બોમ્બે હાઇકોર્ટે પોતાના એક ચુકાદામાં કહ્યું છે કે બાળકોને માતા-પિતા બંનેનો અને તેમના દાદા દાદીનો પ્રેમ પણ મેળવવાનો પૂરેપૂરો અધિકાર છે. તેમણે કહ્યું હતું કે આ બાળકો માટે વ્યક્તિગત વિકાસ અને કલ્યાણ માટે જરૂરી એવી બાબત છે.  

બાળકો સાથે સમય પસાર કરવાનો અને આનંદ કરવાનો અધિકાર 

હાઇકોર્ટે પૂણેના એક વ્યક્તિ અને તેના માતા પિતાને પોતાના સંતાન સાથે મળવાની અનુમતી આપતા બુધવારે આ આદેશ આપ્યા હતા. જજ અનુજા પ્રભૂદેસાઈની સિંગલ જજ બેન્ચે બુધવારે આ આદેશ આપ્યો હતો. જેનો બુધવારે અમલ કરાયો હતો. ન્યાયાધીશે કહ્યું હતું કે જે માતા પિતાને બાળકોની સારસંભાળનો અધિકાર પ્રાપ્ત નથી તે પોતાના બાળકો સાથે કેટલોક મહત્વનો સમય વિતાવી અને સાથે આનંદ કરી શકે છે એના માટે કોઈને અટકાવી શકાય નહીં. 

માતા પિતા બંનેનો પ્રેમ સંતાનો માટે જરૂરી 
ન્યાયમૂર્તિ પ્રભુદેસાઇએ એમ પણ કહ્યું હતું કે, '' બાળકોને માતા અને પિતા એ બંનેનો અને દાદા દાદીનો પ્રેમ અને સ્નેહ મેળવવાનો અધિકાર છે. આ બાળકોના વ્યક્તિગત વિકાસ માટે અને સંપૂર્ણ કલ્યાણ માટે જરૂરી છે. કોર્ટે એક વ્યક્તિની અરજી પર સુનાવણી દરમિયાન આ મહત્વની વાત કરી હતી. યાચિકાકર્તાએ દાવો કર્યો હતો કે તેને જૂન 2020 થી પોતાનાં સંતાનોને મળવા દેવામાં નથી આવ્યો. યાચિકાકર્તાએ દાવો કર્યો હતો કે બાળકોના દાદા દાદી અસ્વસ્થ છે એટલા માટે પોતાના પૌત્રને મળવા ઈચ્છે છે. 

જન્મદિવસે પણ મળવા ન દીધા 
માતાએ માર્ચ 2022 ના કોર્ટના આદેશ છતાં બાળકોને તેમના જન્મ દિવસે પણ મળવા દીધા નહોતા. કોર્ટે આ વ્યક્તિને પોતાના બાળકોને મળવા માટે અને સાથે રહેવા માટે બે દિવસની પરમીશન આપી દીધી છે અને દંપતી વચ્ચે  આ વિવાદને મધ્યસ્થી કરીને ઉકેલ લાવવા માટે મોકલ્યા હતા.