વડોદરા બોટ ટ્રેજેડી / VIDEO : હરણી બોટ ટ્રેજેડી પહેલાનો વીડિયો, ભૂલકાંઓને ક્યાં ખબર હતી કે મરવા જઈ રહ્યાં છે?

• વડોદરા હરણી બોટ ટ્રેજેડીની અતિ કરુણતા
• 17 વર્ષે આવેલી છોકરી પણ ડૂબી
• છોકરીનો એકમાત્ર કઝિન ભાઈ પણ ડૂબી ગયો

18 બાળકો અને શિક્ષકોનો ભોગ લેનારી વડોદરા હરણી બોટ ટ્રેજેડીમાં કેટલાક ચોંકાવનારા ઘટસ્ફોટ થયાં છે. બે પરિવારો તો એવા હતા કે જેમને સંતાનમાં એક છોકરી અને એક છોકરો જ હતો અને તેઓ બન્ને ડૂબેલા 18માં સામેલ હતા. બંને પિતરાઈ ભાઈ-બહેન હતા. પરિવારના સભ્યોએ જણાવ્યું કે તેમની પુત્રીનો જન્મ 17 વર્ષના લાંબા ગાળા બાદ થયો હતો જેને માટે પરિવારે અનેક માનતા અને બાધા રાખી હતી જે પછી તેનો જન્મ થયો હતો અને હવે તેનું ડૂબી જતાં મોત થયું. 

VIDEO | CCTV footage shows the students of New Sunrise School in Vadodara lining up outside the Harni lake zone, which ended in a boat tragedy. pic.twitter.com/a3dERq2atK

— Press Trust of India (@PTI_News) January 18, 2024

છોકરીના માતાપિતાએ શું કહ્યું 

છોકરીના માતા-પિતા ફારૂક અને રાહીમાએ જણાવ્યું હતું કે, તેમણે સંતાન માટે 17 વર્ષ જેટલી રાહ જોઈ હતી અને ત્યારે પુત્રીનો જન્મ થયો હતો. બીજા એક પરિવારનો એકનો એક છોકરો પણ ડૂબી ગયો છે પરિવાર નિસંતાન બન્યો છે.

વડોદરામાં કેવી રીતે થયો આ અકસ્માત?
વડોદરાની ન્યૂ સનરાઇઝ સ્કૂલના બાળકો પિકનિક માટે હરણી તળાવ ગયા હતા. આ બાળકો સાથે શાળાના કેટલાક શિક્ષકો પણ હાજર રહ્યા હતા. અકસ્માતનો ભોગ બનેલી બોટમાં 23 બાળકો અને 4 શિક્ષકો સવાર હતા. બોટ પલટી ગયા બાદ તળાવમાં ડૂબી જવાથી અનેક બાળકો અને શિક્ષકોના મોત થયા હતા. બાળકો પાસે લાઈફ જેકેટ ન હોવાની માહિતી મળી છે. શરૂઆતી તપાસમાં માલુમ પડ્યુ હતુ કે બોટ ઓવરલોડ હતી. વડોદરા મહાનગર પાલિકાની સ્ટેન્ડિંગ કમિટીના ચેરમેન ડો.શીતલ મિસ્ત્રીએ જણાવ્યું હતું કે, બોટમાં જીવનજરૂરી સાધન નથી. આ ઘટનાની તપાસ કરવામાં આવશે અને ગુનેગારોને કડક સજા કરવામાં આવશે.

Rescue efforts in full swing in #Vadodara.The state administration, along with NDRF, is working tirelessly to rescue those affected by the boat tragedy. Government machinery is on high alert. All efforts for swift and successful operations. #VadodaraRescue #NDRF #Gujarat pic.twitter.com/N9oWG8cYVw

— Gujarat Information (@InfoGujarat) January 18, 2024

18 સામે એફઆઈઆર, 6ની ધરપકડ 
વડોદરા પોલીસે આ ઘટના મામલે 6 લોકોની ધરપકડ કરી છે. ધરપકડ કરાયેલા લોકોમાં કોટિયા પ્રોજેક્ટ્સના ત્રણ ભાગીદારો, મેનેજરો અને બે બોટ ઓપરેટરોનો સમાવેશ થાય છે. કોટિયા પ્રોજેક્ટ્સ એ જ કંપની છે જેને વડોદરા મ્યુનિસિપલ કોર્પોરેશન દ્વારા હરણી તળાવ વિસ્તાર ચલાવવાનો કોન્ટ્રાક્ટ આપવામાં આવ્યો હતો. અકસ્માત બાદ વડોદરા મ્યુનિસિપલ કોર્પોરેશન દ્વારા લેકફ્રન્ટના સંચાલન અને જાળવણી માટે કોટિયા પ્રોજેક્ટ્સનો કોન્ટ્રાક્ટ રદ કરવામાં આવ્યો છે.