Kapoor Upay / પિતૃદોષથી લઇને દેવામાંથી મુક્તિ..., પૈસેટકે પણ નહીં પડે ખોટ, અપનાવો કપૂરના આ ઉપાય

• જીવનમાં સ્વસ્થ આરોગ્ય ખૂબ જ જરૂરી
• જ્યોતિષ શાસ્ત્રમાં નાણાંને કિસ્મત સાથે જોડવામાં આવે છે
• કપૂરના આ ઉપાય અપનાવવાથી તમામ સમસ્યા થશે દૂર

જીવનમાં સ્વસ્થ આરોગ્ય ખૂબ જ જરૂરી છે. નાણાં વિના વ્યક્તિએ અનેક મુશ્કેલીઓનો સામનો કરવો પડે છે. આ કારણોસર વ્યક્તિ પૈસા કમાવા માટે ખૂબ જ મહેનત કરે છે તેમ છતાં અનેક લોકો આર્થિક તંગીનો સામનો કરે છે. જ્યોતિષ શાસ્ત્રમાં નાણાંને કિસ્મત સાથે જોડવામાં આવે છે. અનેક વાર તગડી કમાણી કરવા છતાં પૈસા ટકતા નથી. કેટલાક ઉપાય અને ટોટકા કરવાથી આ સમસ્યાથી રાહત મળે છે. 

હિંદુ ધર્મમાં પૂજા પાઠ માટે કપૂરનો ઉપયોગ કરવામાં આવે છે. કપૂર બાળીને નકારાત્મકતા દૂર કરવામાં આવે છે. જ્યોતિષ શાસ્ત્રમાં તેના અનેક ઉપાય અને ટોટકા જણાવવામાં આવ્યા છે. આ ઉપાય કરવાથી લક્ષ્મી માતા પ્રસન્ન થાય છે. જૂનામાં જૂની બિમારી અને દેવાથી મુક્તિ મળે છે. ઘરમાં નાણાંકીય કમી દૂર કરવા માટે કપૂરના આ ઉપાય જરૂરથી કરવા જોઈએ. 

કપૂરના ઉપાય

• નાણાંકીય સમસ્યાથી પરેશાન છો, તો સવારે ઉઠીને સ્નાન કર્યા પછી ગુલાબનું ફૂલ લો. તેમાં એક કપૂરનો ટુકડો રાખો. ત્યારપછી સાંજના સમયે તે ફૂલ દુર્ગા માતાને અર્પણ કરો. આ પ્રકારે કરવાથી નાણાંકીય કમી દૂર થશે. સતત 43 દિવસ સુધી આ ઉપા કરવાથી દુર્ગા માતા પ્રસન્ન થશે. ઘરમાં બરકત થવાની સાથે નાણાંકીય આવક પણ થશે. 
• ઘરમાં બિમારી, દોષ, કલેશ અને નાણાંકીય પરેશાની દૂર કરવા માટે કપૂરનો  ટોટકો કારગર સાબિત થઈ શકે છે. જે માટે લવિંગ અને કપૂરનો એક ટુકડો લઈને વાટકીમાં મુકો. હવે કપૂર બાળીને આખા ઘરમાં ફેરવીને ભગવાનની સામે મુકીને મનોકામના બોલો. આ પ્રકારે કરવાથી ઘરમાં સકારાત્મકતાનો વાસ થશે અને તમામ પ્રકારની સમસ્યા દૂર થશે. 
• કુંડળીમાં સર્પ દોષ અને પિતૃદોષ હોય તો ઘરમાં દરરોજ દેશી ઘીનો દીવો કરો. હવે તેમાં કપૂર ડૂબાડીને રાખો. આ પ્રકારે કરવાથી કાળસર્પ દોષ દૂર થશે અને ઘરમાં સુખ-શાંતિ તથા સમૃદ્ધિ રહેશે. 
• ઘરમાં બાળકો અને વડીલને રાત્રે ખરાબ સપના આવતા હોય, નજર લાગી હોય, કામમાં અડચણ ઊભી થતી હોય તો દરરોજ ઘરમાં કપૂર પ્રગટાવીને સાંજે તેની પૂજા કરવી. આ પ્રકારે કરવાથી ખરાબ સપના નહીં આવે અને નજરદોષ દૂર થશે. ઘરમાં શાંતિ રહેશે અને સમ્માનમાં વૃદ્ધિ થશે.