જાણી લેજો / IPO ખરીદનારાઓ થઈ જજો સાવધાન! હવે આ નિયમો બદલાયા

શેરબજારના નિયમ મુજબ કોઈપણ સ્ટોક માર્કેટમાં પ્રવેશ કરે તે પહેલા તે પ્રાથમિક બજારમાં પ્રવેશ કરે છે. BSE (બોમ્બે સ્ટોક એક્સચેન્જ) અને NSE (નેશનલ સ્ટોક એક્સચેન્જ) એ IPO સંબંધિત કેટલાક નિયમોમાં ફેરફાર કર્યા છે. જે આ મહિનાથી એટલે કે જુલાઇ મહિનાથી લાગુ પાડવાની શક્યતા રહેલી છે. ત્યારે ચાલો જાણીએ કે તેની તમારા પર શું અસર પડશે?

જુલાઈમાં એટલે કે આ મહિનામાં પ્રાથમિક બજારમાં ટ્રેડ થયેલા IPO માં તમને ઘણા મોટા ફેરફારો જોવા મળશે. બે મુખ્ય સ્ટોક માર્કેટ એક્સચેન્જ NSE (નેશનલ સ્ટોક એક્સચેન્જ) અને BSE (બોમ્બે સ્ટોક એક્સચેન્જ) દ્વારા IPO સંબંધિત કેટલાક ફેરફારો કરવામાં આવ્યા છે.

મુખ્યત્વે બે પ્રકારના IPO હોય છે. જેમાં SME અને મેઈનબોર્ડનો સમાવેશ થાય છે.

કયા ફેરફારો છે?

આ સંદર્ભમાં પ્રાપ્ત માહિતી અનુસાર BSE અને NSE એ નિર્ણય લીધો છે કે હવે રિટેલ રોકાણકારોએ ફક્ત એક લોટ નહીં પરંતુ ઓછામાં ઓછા બે લોટ માટે બોલી લગાવવી પડશે. આનો અર્થ એ થયો કે SME IPO લેવા માટે 2 લાખ રૂપિયા સુધીનું રોકાણ જરૂરી રહેશે.

• આ સાથે કટ ઓફ પ્રાઇસ (Cut off Price Option) ઓપ્શન દૂર કરવામાં આવ્યો છે.
• જો તમે IPO માં બોલી લગાવી હોય તો તેને બદલી કે રદ કરી શકાતી નથી.
• હવે SME IPO માટે બોલી લગાવવાનો છેલ્લો દિવસ સાંજે 4:00 વાગ્યે બંધ થશે.
• SMEs ને લિસ્ટિંગ માટે 1 કરોડ રૂપિયા રાખવા પડશે.
• આવા વેચાણ માટે વેચાણ માટેની ઓફર ઇશ્યૂના કદના 20 ટકા હશે.
• કોર્પોરેટ્સ માટે ઇશ્યૂનું કદ 15 ટકા અથવા 10 કરોડ રૂપિયા સુધી મર્યાદિત રહેશે.

રોકાણકારો માટે શું બદલાયું?

• રિટેલ રોકાણ (2 લોટ)

હવે રિટેલ રોકાણકારોએ IPO લેવા માટે 2 લોટ લેવા પડશે.

• SHNI (3 લોટ)

આ એક પ્રકારનો હાઈ નેટ-વર્થ ઈન્ડિવિજ્યુઅલ (High Net-Worth Individual)છે. તેને સ્મોલ હાઈ નેટ-વર્થ ઈન્ડિવિજ્યુઅલ કહેવામાં આવે છે. IPO ખરીદવા માટે તેમને ૩ લોટ લેવા પડશે. આનો અર્થ એ કે તેમણે 10 લાખ રૂપિયાનું રોકાણ કરવું પડશે.

વધુ વાંચો: હવે તમારા દરેક ફંડ માટે વેબસાઈટ પર ફાફા નહીં મારવા પડે, આ રીતે થઈ જશે ટ્રેક, જાણો

• BHNI (3 લોટ)

આ પણ એક પ્રકારનો હાઈ નેટ-વર્થ ઈન્ડિવિજ્યુઅલ High Net-Worth Individual છે. તેને બોર્ડ હાઈ નેટ-વર્થ ઈન્ડિવિજ્યુઅલ કહેવામાં આવે છે. આ રોકાણકારો 10 લાખથી થોડું વધારે રોકાણ કરી શકે છે. જો કે તેઓ ફક્ત 3 લોટ સુધી જ ખરીદી શકશે. તે જ સમયે જો તમે મર્યાદિત મર્યાદા કરતાં વધુ લોટ ખરીદો છો તો તમને કોઈ નફો મળશે નહીં.

(DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ