IPO Alert / રોકાણકારો રૂપિયા તૈયાર રાખજો, ₹26000Cr માટે 8 IPO આપશે દસ્તક, જોઈ લો લિસ્ટ

IPO Alert: જો તમે IPO માર્કેટમાં રોકાણ કરવાનું વિચારી રહ્યા છો અને સારા ઇશ્યૂની રાહ જોઈ રહ્યા છો તો આ સમાચાર તમારા માટે ખાસ છે. IPO માર્કેટમાં મંદીનો અંત આવવાનો છે અને એક કે બે નહીં પરંતુ 8 કંપનીઓ તેમના ઇશ્યૂ લોન્ચ કરવાની તૈયારી કરી રહી છે. આ બધી કંપનીઓ જૂનના અંતમાં અને જુલાઈ મહિનામાં IPO લાવી શકે છે અને રિપોર્ટ અનુસાર આ આઠ કંપનીઓ બજારમાંથી 26000 કરોડ રૂપિયા એકત્ર કરશે. ચાલો જાણીએ કે યાદીમાં કયા IPOનો સમાવેશ થાય છે?

8 કંપનીઓ 26000 કરોડ રૂપિયા ભેગા કરશે

ભલે 2025 માં અત્યાર સુધી થોડી જ કંપનીઓએ તેમના IPO લાવ્યા હોય પરંતુ હવે IPO બજારમાં પુરબહારમાં વસંત જાણે ખીલીવાની છે. 8 કંપનીઓ કુલ 26000 કરોડ રૂપિયાના તેમના ઇશ્યૂ લોન્ચ કરવા માટે તૈયાર છે. જ્યારે આમાં મેઇનબોર્ડ કંપનીઓના ઇશ્યૂનો સમાવેશ થાય છે ત્યારે ઘણી SME શ્રેણીની કંપનીઓ રોકાણકારોને કમાણી કરવાની તક આપવા જઈ રહી છે. જો આપણે કેટલાક મોટા નામો પર નજર કરીએ તો આ લિસ્ટમાં HDB Financial Services, Sambhv Steel Tubes, Ellenbarrie Industrial Gases, Kalpataru, Globe Civil Projects, NSDL, Hero Fincorp અને JSW Cementના ઇશ્યૂનો સમાવેશ થાય છે.

HDB ફાઇનાન્શિયલનો IPO સૌથી મોટો

આગામી IPOની યાદીમાં HDB ફાઇનાન્શિયલ સર્વિસિસનો IPO પણ શામેલ છે. જે 12500 કરોડ રૂપિયા એકત્ર કરવાની તૈયારી કરી રહી છે. અહેવાલો અનુસાર આ ઇશ્યૂ આ મહિનાના અંતમાં 24 જૂને એન્કર રોકાણકારો માટે ખુલી શકે છે. જ્યારે 25 જૂને સામાન્ય રોકાણકારો માટે સબ્સ્ક્રિપ્શન માટે ખુલી શકે છે અને આ દ્વારા કંપની 2500 કરોડ રૂપિયાના નવા શેર જારી કરી શકે છે. જ્યારે 10000 કરોડ રૂપિયાના શેર ઓફર ફોર સેલ (OFS) દ્વારા વેચવામાં આવશે. જોકે કંપની દ્વારા હજુ સુધી IPOનો પ્રાઇસ બેન્ડ નક્કી કરવામાં આવ્યો નથી.

540 કરોડનો IPO લોન્ચ કરશે

HDB ફાઇનાન્શિયલ ઉપરાંત આ વર્ષે માર્ચમાં બજાર નિયમનકાર સેબી તરફથી મંજૂરી મેળવનાર સંભવ સ્ટીલ ટ્યુબ્સ પણ ટૂંક સમયમાં તેનો IPO લોન્ચ કરવા માટે તૈયાર છે અને આ બુક બિલ્ડ ઇશ્યૂનું કદ 540 કરોડ રૂપિયા હોઈ શકે છે. આમાં 440 કરોડ રૂપિયાના નવા શેર અને 100 કરોડ રૂપિયાની ઓફર-ફોર-સેલનો સમાવેશ થશે. આમાં રિટેલ ક્વોટા લગભગ 35 ટકા રહેવાની ધારણા છે.

આ કંપનીઓનો પણ આ યાદીમાં સમાવેશ થાય છે

અન્ય કંપનીઓની વાત કરીએ તો Ellenbarrie Industrial Gases અને કલ્પતરુ પણ ટૂંક સમયમાં તેમના IPO લોન્ચ કરવાની યોજના બનાવી રહ્યા છે. આ બંને કંપનીઓને પહેલાથી જ સેબીની મંજૂરી મળી ગઈ છે. Ellenbarrie Industrial Gases રૂ. 400 કરોડ એકત્ર કરવાની યોજના ધરાવે છે. જ્યારે Kalpataru IPO પ્રાથમિક બજારમાંથી રૂ. 1590 કરોડ એકત્ર કરવાનું લક્ષ્ય રાખે છે. આ સાથે JSW સિમેન્ટ જેને વર્ષની શરૂઆતમાં જાન્યુઆરીમાં સેબીની મંજૂરી મળી હતી. તે લગભગ રૂ. 4000 કરોડનો IPO લાવવાની તૈયારી કરી રહી છે અને બ્લૂમબર્ગ અનુસાર તે જુલાઈમાં લોન્ચ થવાની ધારણા છે.

વધુ વાંચો: નોકરી છોડો! નાના રોકાણથી શરૂ કરો આ 4 બિઝનેસ, થશે હજારોની કમાણી

અન્ય ત્રણ મોટી કંપનીઓની વાત કરીએ તો ગ્લોબ સિવિલ પ્રોજેક્ટ્સે તેના IPO ની તારીખ પહેલાથી જ જાહેર કરી દીધી છે. આ ઇશ્યૂ 24 જૂનથી 26 જૂન સુધી સબ્સ્ક્રિપ્શન માટે ખુલ્લો રહેશે. 200 કરોડ રૂપિયા એકત્ર કરવા માટે લાવવામાં આવી રહેલા આ IPO ની પ્રાઇસ બેન્ડ 67-71 રૂપિયા નક્કી કરવામાં આવી છે. આગામી કંપની હીરો ફિનકોર્પ છે. 260 કરોડ રૂપિયાના Pre-IPO ફંડિંગ રાઉન્ડ પૂરો કર્યા પછી કંપની હવે 3408.13 કરોડ રૂપિયાનો ઇશ્યૂ લાવવાની યોજના બનાવી રહી છે. તેને મે મહિનામાં SEBI તરફથી IPO માટે મંજૂરી મળી ગઈ હતી. છેલ્લી કંપની NSDL (નેશનલ સિક્યોરિટીઝ ડિપોઝિટરી લિમિટેડ) છે અને તે જુલાઈના અંત સુધીમાં તેનો ઇશ્યૂ લોન્ચ કરી શકે છે.

(DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ