બિઝનેસ / કમાણીની તક! HDB ફાઈનાન્શિયલનો આ તારીખે ઓપન થશે 12500 કરોડનો IPO

HDFC બેંક લિમિટેડની પેટાકંપની HDB Financial લિમિટેડે તેના 12500 કરોડ રૂપિયાના IPO ની સમયરેખા જાહેર કરી છે. HDB Financialનો IPO 25 જૂને ખુલશે અને 27 જૂને બંધ થશે. આ IPO માં 2,500 કરોડ રૂપિયાનો નવો ઇશ્યૂ અને 10,000 કરોડ રૂપિયાનો ઓફર ફોર સેલ શામેલ છે. આ IPO માં પ્રમોટર HDFC બેંક OFS દ્વારા શેર વેચશે. IPO માટે પ્રાઇસ બેન્ડ હજુ સુધી જાહેર કરવામાં આવ્યો નથી.

HDB Financial ની લિસ્ટિંગ એક નિયમનકારી આવશ્યકતા છે કારણ કે કંપની રિઝર્વ બેંક ઓફ ઇન્ડિયા (RBI) ના ઓક્ટોબર 2022 ના સૂચના મુજબ નોન-બેંકિંગ નાણાકીય કંપનીઓ (NBFCs) ની અપર લેયર શ્રેણી હેઠળ આવે છે. હાલમાં HDFC બેંક HDB ફાઇનાન્શિયલમાં 94.3 ટકા હિસ્સો ધરાવે છે. કંપનીએ ઓક્ટોબર 2024 માં DRHP ફાઇલ કરી હતી.

અપર લેયર NBFC માટે શું નિયમ છે

20 જુલાઈ, 2024 ના રોજ, HDFC બેંકના બોર્ડે HDB ફાઇનાન્શિયલ સર્વિસીસની લિસ્ટિંગ પ્રક્રિયા શરૂ કરવા માટે સૈદ્ધાંતિક મંજૂરી આપી હતી અને આ કાર્ય માટે એક સમિતિની પણ રચના કરવામાં આવી હતી. RBI ના ઓક્ટોબર 2022 ના પરિપત્ર મુજબ, HDB એક અપર લેયર NBFC છે અને આવી કંપનીઓને ત્રણ વર્ષની અંદર એટલે કે સપ્ટેમ્બર 2025 સુધીમાં લિસ્ટેડ થવું જરૂરી છે.

વધુ વાંચો : રોકાણકારો રૂપિયા તૈયાર રાખજો, ₹26000Cr માટે 8 IPO આપશે દસ્તક, જોઈ લો લિસ્ટ

DRHP મુજબ આ IPO માટે કુલ 12 રોકાણ બેંકોની નિમણૂક કરવામાં આવી છે, જેમ કે JM Financial, BNP Paribas, BofA Securities, Jefferies, Goldman Sachs, HSBC Securities, Nomura, IIFL Securities, Morgan Stanley, Nuvama, Motilal Oswal અને UBS.

(DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ