Chandra grahan 2023 / આજે ચંદ્ર ગ્રહણ: ભલે નહીં લાગે સૂતક, પણ ભૂલથી પણ ન કરવા જોઈએ આ 3 કામ

• ચંદ્ર ગ્રહણ રાત્રે 8.45 વાગ્યાથી રાત્રે 1.02 વાગ્યા સુધી રહેશે
• ચંદ્ર ગ્રહણ ભારતમાં ના દેખાવાના કારણે સૂતક માન્ય રહેશે નહીં
• પૂર્ણિમાની રાતે દહીંનું સેવન બિલકુલ ના કરવુ

Chandra grahan 2023: બુદ્ધ પૂર્ણિમા પર આજે વર્ષનું પહેલુ ચંદ્ર ગ્રહણ લાગવા જઇ રહ્યુ છે. આ ચંદ્ર ગ્રહણ રાત્રે 8.45 વાગ્યાથી રાત્રે 1.02 વાગ્યા સુધી રહેશે. જો કે ચંદ્ર ગ્રહણ ભારતમાં ના દેખાવાના કારણે સૂતક માન્ય રહેશે નહીં. અને તેથી જ પૂજા-પાઠ કે દૈનિક કાર્યો પર પણ પાબંદી નહીં રહે. 

પરંતુ ચંદ્ર ગ્રહણ બુદ્ધ પૂર્ણિમાના દિવસે લાગવા જઇ રહ્યુ છે. તેથી સૂતકકાળ ભલે ના લાગે, પછી પણ આ મહાસંયોગમાં ત્રણ ભૂલો કરવાથી બચવુ જોઇએ.

1. બુદ્ધ પૂર્ણિમા પર ચંદ્ર ગ્રહણના સંયોગમાં માંસ કે તામસિક ભોજનનું સેવન ન કરો. ડુંગળી-લસણ ખાવાથી બચો. સાત્વિક આહારનું સેવન કરો. 

2. બુદ્ધ પૂર્ણિમાના દિવસે તુલસીના પાન ના તોડો. તુલસી ભગવાન વિષ્ણુને ખૂબ  પ્રિય છે, તેથી પૂર્ણિમા પર તુલસી તોડવી અશુભ માનવામાં આવે છે. 

3. પૂર્ણિમાની રાત્રે ચંદ્રમા પૂર્ણ કળાઓથી સંપન્ન થઇ અલૌકિત થાય છે. તેથી કોઇ એવુ કાર્ય ના કરવુ જોઇએ જેનાથી ચંદ્ર દોષ લાગે. 

પૂર્ણિમાની રાતે દહીંનું સેવન બિલકુલ ના કરવુ, તેનાથી ચંદ્ર દોષ લાગે છે અને જીવનમાં ધન હાનિ સહિત અનેક મુશ્કેલીઓ ઉઠાવી પડી શકે છે. 

ઉપાયઃ બુદ્ધ પૂર્ણિમા પર પીપળાને જળ ચઢાવો અને 7 વખત પરિક્રમા કરો. ચંદ્રોદય બાદ કળશ(લોટા) દ્વારા ચંદ્રને દૂધ અને જળમાં સાંકર- ચોખા નાંખીને અર્પણ કરો. 

DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.