બોટાદ / ગુરુ-શિષ્યના સંબંધને લજવતો કિસ્સો, શાળાના આચાર્ય સામે નોંધાયો POCSOનો કેસ

બોટાદ જિલ્લાના રાણપુર તાલુકાના બરાનીયા ગામમાં આવેલી શાળાના આચાર્ય હર્ષદભાઈ જાલા વિરુદ્ધ પોક્સો એક્ટ હેઠળ પોલીસ ફરિયાદ નોંધાતા ચકચાર મચી છે.

મળતી માહિતી મુજબ, શાળાના આચાર્ય હર્ષદભાઈ જાલા વિદ્યાર્થીનીઓ સાથે અડપલા કરતા હોવાના ગંભીર આક્ષેપો ગ્રામજનો દ્વારા કરવામાં આવ્યા હતા. આ મામલે ગઈકાલે બરાનીયા ગામના લોકોએ રાણપુર પોલીસ સમક્ષ રજૂઆત કરી હતી.

ગ્રામજનોના આક્ષેપ મુજબ, આચાર્ય દ્વારા વિદ્યાર્થીનીઓને ત્રાસ આપવામાં આવતો હતો. તેમજ આ મામલે આચાર્યને રજૂઆત કરવા જતા તેઓ ફરિયાદ કરવાની ધમકી આપતા હોવાના પણ આક્ષેપો કરવામાં આવ્યા હતા.

બીજી તરફ, ગઈકાલે આચાર્ય હર્ષદભાઈ જાલાએ પોતાના પર લાગેલા આક્ષેપોને ખોટા ગણાવ્યા હતા. જોકે, ગ્રામજનોની રજૂઆત બાદ સમગ્ર મામલે પોલીસે તપાસ હાથ ધરી છે.

આ પણ વાંચોઃ જૂનાગઢના કેશોદમાં મિલકત વેચાણમાં મોટો ફ્રોડ, 17 લાખના 16 પ્લોટના બોગસ દસ્તાવેજ બનાવી ફરી વેચી નાખ્યા

હાલ રાણપુર પોલીસે આચાર્ય હર્ષદભાઈ જાલા વિરુદ્ધ પોક્સો એક્ટ હેઠળ ગુનો નોંધી વધુ તપાસ શરૂ કરી છે. પોલીસ તપાસ દરમિયાન આક્ષેપોની હકીકત અને સમગ્ર ઘટનાક્રમ અંગે વધુ વિગતો સામે આવે તેવી શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ