રાજનીતિ / 'મારાથી એક નાનો કાર્યકર્તા મારી સામે જોઇને ગમે તેમ બકવાસ કરે એ...', ભાજપના મહિલા MLA દર્શના દેશમુખે જાહેરમાં બળાપો ઠાલવ્યો

• કેન્દ્રીય મંત્રીની હાજરીમાં નાંદોદના ધારાસભ્યએ કાઝ્યો બળાપો 
• દેવુંસિંહ ચૌહાણની હાજરીમાં ડૉ.દર્શના દેશમુખે કાઢ્યો બળાપો
• સામાન્યમાં સામાન્ય કાર્યકર પણ ધારાસભ્યનું અપમાન કરે છે: દર્શના દેશમુખ
• ભગવાન પણ સાક્ષી છે કે મે કોઈનું અપમાન કર્યું નથી: દર્શના દેશમુખ
• પાર્ટીના લોકો મારું અપમાન કરી રહ્યા છે: દર્શના દેશમુખ 
• ભરૂચના સાંસદ મનસુખ વસાવાએ સમગ્ર ઘટનાને લઇ આપ્યું નિવેદન 
• આવી વાત જાહેર મંચથી ન કરવી જોઇએ: મનસુખ વસાવા 

MLA Darshana Deshmukh Statement : નર્મદા જિલ્લા ભાજપના નેતાઓમાં ચાલતી ખેંચતાણ સપાટી પર આવી ચૂકી છે. વાત જાણે એમ છે કે, નાંદોદના ધારાસભ્ય ડૉ.દર્શના દેશમુખે તેમની જ પાર્ટીના કાર્યકરો તેમની હાંસી ઉડાવતાં હોવાનું નિવેદન આપી સૌને ચોંકાવી દીધાં છે. વિગતો મુજબ રાજપીપળા ખાતે યોજાયેલાં સ્નેહ મિલન સમારંભમાં મહિલા ધારાસભ્યએ ઉભરો ઠાલવતાં રાજકારણ ગરમાયું છે. 

રાજપીપળામાં ભાજપનું સ્નેહમિલન યોજાયું હતું. જેમાં કેન્દ્રીય મંત્રી ભારત સંચાર વિભાગ દેવુંસિંહ ચૌહાણ ખાસ હાજર રહ્યા હતા. આ દરમિયાન ધારાસભ્ય ડો.દર્શનાબેન દેશમુખે પોતાનો બળાપો કાઢતા આક્રોશ સાથે જણાવ્યું હતું કે, આપણી પાર્ટી માટે ભોગ આપવા વાળા બહુ નેતા છે અને પાર્ટી તેમના થકી ચાલે છે. બધાએ સમય અને ભોગ આપ્યો છે. હું બધાને પૂછું કે અત્યાર સુધી કોઈને તુ કારીને વાત કરી છે અપમાન કર્યું છે ? પણ ભગવાન સાક્ષી છે કે મેં કોઈ નું અપમાન કર્યું નથી.પરંતુ મારું પાર્ટીના લોકો મારું અપમાન કરી રહ્યા છે, એક નાનો કાર્યકરો મારી સામે જોઈ જોઈ ને મારી હસી ઉડાડે છે એટલે તમે શું સમજો છો આં મારું અપમાન નથી ભાજપનાં ધારાસભ્ય નું અપમાન છે.

નોંધનિય છે કે, નર્મદામાં સાંસદ મનસુખ વસાવા, જિલ્લા ભાજપ પ્રમુખ ઘનશ્યામ પટેલ અને ધારાસભ્ય ડૉ.દર્શના દેશમુખ વચ્ચે વિવાદ ચાલી રહ્યો છે. મનસુખ વસાવાએ બંને નેતાઓની ફરિયાદ પ્રદેશ અધ્યક્ષને પણ કરી છે. સાંસદ મનસુખ વસાવાએ કહ્યું કે, ધારાસભ્યએ આવી વાત જાહેર મંચ પરથી નાં કરવી જોઈએ. સંગઠનમાં વાત મૂકી સમાધાન કરાય જે બંધારણે કરવી જોઈએ. આ સાથે તેમણે કહ્યું કે, આજે કોઈ પણ વ્યક્તિ જે પણ હોદ્દો મેળવે છે તે સંગઠનને આભારી છે. આં મુદ્દે મને કેટલાંક કાર્યકરોએ ફરિયાદ કરી છે.