રણનીતિ / 4 જાતિ પર ભાજપ લોકસભાની ચૂંટણી લડશે, PM મોદી પણ કરી ચૂક્યા છે ઉલ્લેખ, 350 બેઠકોને સાધવા ભાજપનો માસ્ટર પ્લાન

• 3 રાજ્યોની વિધાનસભા ચૂંટણીઓમાં ભાજપનો પ્રચંડ વિજય 
• હવે લોકસભાને લઈ જાણો ભાજપનું શું છે ગણિત ? 
• ભાજપ આ 4 જાતિ પર ફોકસ રાખી લોકસભા લડશે 

Lok Sabha Election 2024 : દેશના ત્રણ રાજ્યોમાં તાજેતરમાં યોજાયેલ વિધાનસભા ચૂંટણીઓમાં ભાજપને પ્રચંડ જીત મળ્યા બાદ હવે લોકસભા ચૂંટણીને લઈ ગણિત બદલાયા છે. વાત જાણે એમ છે કે, ભાજપે લોકસભા ચૂંટણીમાં ઓછામાં ઓછી 350 બેઠકો જીતવાનો નવો લક્ષ્યાંક નક્કી કર્યો છે. પાર્ટીની યોજના છેલ્લી લોકસભા ચૂંટણીની સરખામણીમાં 12 કરોડ વધારાના મત મેળવવાની છે. આ ધ્યેય હાંસલ કરવા માટે વ્યૂહરચના ઘડવા માટે પાર્ટી અધ્યક્ષ જેપી નડ્ડાએ 22 અને 23 ડિસેમ્બરે રાષ્ટ્રીય અધિકારીઓ, પ્રદેશ પ્રમુખો, રાજ્ય પ્રભારીઓ, સંગઠન મંત્રીઓ અને તમામ મોરચાના પ્રમુખોની બેઠક બોલાવી છે. 

વડાપ્રધાન મોદી અગાઉ પણ ઉલ્લેખ કર્યો હતો કે, તેમના માટે મહિલાઓ, ખેડૂતો, યુવાઓ અને ગરીબો સિવાય બીજી કોઈ જાતિ નથી. જેથી હવે આગામી લોકસભા ચૂંટણી ભાજપ આ 4 જાતિઓને આધારે લડી શકે છે. હકીકતમાં ગત લોકસભા ચૂંટણીમાં પણ આ જ રણનીતિ અપનાવવામાં આવી હતી. ત્યારે પાર્ટીએ મિશન 50 ટકા (પ્રભાવ સાથે તમામ સીટો પર ઓછામાં ઓછા 50 ટકા વોટ)નું સૂત્ર આપ્યું હતું. પાર્ટીને ફાયદો થયો અને 2014ની લોકસભા ચૂંટણીની સરખામણીમાં પાર્ટીના મતોમાં 5.8 કરોડનો વધારો થયો. બેઠકોની સંખ્યા 282 થી વધીને 303 થઈ, જ્યાં પાર્ટીને 50 ટકાથી વધુ મત મળ્યા તે બેઠકોની સંખ્યા 136 થી વધીને 224 થઈ.

ત્રણ ચૂંટણીમાં 15 કરોડ વોટ વધ્યા
પાર્ટીના એક જનરલ સેક્રેટરીએ જણાવ્યું કે, છેલ્લી ત્રણ લોકસભા ચૂંટણીમાં વોટમાં લગભગ 15 કરોડનો વધારો થયો છે. 2009માં અમને 7.8 કરોડ મત મળ્યા, 2019માં આ સંખ્યા વધીને 22.9 કરોડ થઈ ગઈ.

પાર્ટીના રણનીતિકારોને લાગે છે કે, દેશભરમાં આયોજિત વિકાસ ભારત યાત્રા અને મોદી ગેરંટી વાહનની મદદથી પાર્ટી આગામી લોકસભા ચૂંટણીમાં આ લક્ષ્યાંક હાંસલ કરશે. આ યાત્રા દ્વારા પાર્ટી તે વર્ગમાં પ્રવેશ કરવાની યોજના ધરાવે છે, જેને છેલ્લી ચૂંટણીઓમાં પાર્ટી માટે વ્યાપક સમર્થન મળ્યું ન હતું.