ચૂંટણીના પડઘમ / ભાજપ આજે બાકી 16 બેઠકો પર ઉમેદવારની જાહેરાત કરી શકે, ચહેરાઓ પણ નક્કી, જુઓ સંભવિત લિસ્ટ

• ભાજપ આજે બાકીની 16 બેઠકો માટે ઉમેદવારોના નામની કરી શકે છે ઘોષણા 
• ભાજપે અત્યાર સુધીમાં 2 યાદી જાહેર કરી 
• સીટ પર ઉમેદવારોના નામ નક્કી :સૂત્રો

ગુજરાત વિધાનસભાની ચુંટણીને લઇને ભાજપ દ્વારા ઉમેદવારોની બે યાદી જાહેર કરી 166 ઉમેદવારોના નામની  જાહેરાત કરી દેવામાં આવી છે. ત્યારે હવે ગમે ભાજપ દ્વારા તે ઘડીએ ત્રીજી યાદી પણ જાહેર કરવામાં આવી શકે છે.  જેમાં 16 સીટો પરના બાકી ઉમેદવારોના નામનું એલાન થઇ શકે છે. જાણવા મળતી વિગત અનુસાર આ સીટ પર ઉમેદવારોના નામ લગભગ નક્કી થઇ ગયા છે.

ભાજપ 16 બેઠકો માટે ઉમેદવારોના નામની ઘોષણા કરી શકે છે
ગુજરાતનો ગઢ જીતવા તમામ તમામ રાજકીય પક્ષો ચુંટણીમાં કમર કસી ગયા છે. રાજકીય ખેંચતાણ વચ્ચે તમામ પક્ષો દ્વારા સમયાંતરે ઉમેદવારોની યાદી જાહેર કરાઇ રહી છે.  જેમાં ભાજપે અત્યાર સુધીમાં 2 યાદી જાહેર કરી છે. આવી સ્થિતિ વચ્ચે  ભાજપ આજે બાકીની 16 બેઠકો માટે ઉમેદવારોના નામની ઘોષણા કરે તેવી શક્યતાઑ રહેલ છે. સૂત્રો પાસેથી જાણવા મળતી વિગત અનુસાર ખેડા જિલ્લા માટે ભાજપ દ્વારા પાંચ ઉમેદવારો નક્કી કરવામાં આવ્યા છે.

મહેમદાવાદ સીટ પરથી અર્જુન સિંહ ચૌહાણ
મહેમદાવાદ સીટ પરથી ઉમેદવાર તરીકે અર્જુનસિંહ ચૌહાણને ફોન કરીને જાણ કરવામાં આવી હોવાનું વધુમાં ગાંધીનગર ઉત્તર બેઠક પર પૂર્વ મેયર રીટા પટેલ, ખેરાલુ બેઠક પર રેખાબેન ચૌધરી, માણસા વિધાનસભા બેઠક પર જયેશ પટેલ અને કલોલ બેઠક પર ભાજપના કાર્યકર બલદેવ ઠાકોરના નામ નક્કી કરી લેવાયા હોવાની સૂત્રો પાસેથી માહિતી મળી રહી છે.  જોકે સત્તાવાર જાહેરાત બાકી હોવાથી તેમાં ફેરફાર પણ થઇ શકે છે. 
 
પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે  
કેન્દ્રીય ચૂંટણી પંચ દ્વારા ગુજરાત વિધાનસભાની ચૂંટણી કાર્યક્રમની જાહેર કરાઈ હતી. ચૂંટણીપંચે પત્રકાર પરિષદ યોજી 1 અને 5 ડિસેમ્બરે તારીખ જાહેર કરી દીધી છે. મહત્વનું છે કે, ગુજરાતમાં બે તબક્કામાં વિધાનસભાની ચૂંટણી યોજાશે. જેમાં પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે યોજાશે. આ સાથે ગુજરાત વિધાનસભા ચૂંટણીની મતગણતરીની 8 ડિસેમ્બરે થશે. ત્યારબાદ હિમાચલ પ્રદેશની સાથે ગુજરાતનું પણ પરિણામ 8મી ડિસેમ્બરે જાહેર થશે. 19 જિલ્લાની 89 બેઠકો પર મતદાન થશે. પ્રથમ તબક્કામાં સૌરાષ્ટ્ર કચ્છ અને દક્ષિણ ગુજરાતમાં મતદાન થશે તેમાં કચ્છ, સુરેન્દ્રનગર, મોરબી, રાજકોટ, જામનગર, દેવભૂમિ દ્વારકા, પોરબંદર, જૂનાગઢ, ગીર સોમનાથ, અમરેલી, ભાવનગર, બોટાદ, નર્મદા, ભરૂચ, સુરત, તાપી, ડાંગ, નવસારી, અને વલસાડ જિલ્લાનો સમાવેશ થાય છે.  

બીજા તબક્કામાં 14 જિલ્લાની 93 બેઠકો પર ચૂંટણી યોજાશે. આ જિલ્લાઓમાં બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, અમદાવાદ, આણંદ, ખેડા, મહિસાગર, પંચમહાલ, દાહોદ, વડોદરા અને છોટા ઉદેપુરનો સમાવેશ થાય છે. એટલે કે બીજા તબક્કામાં મધ્ય અને ઉત્તર ગુજરાતની બેઠકો પર ચૂંટણી યોજાશે.