નરસંહારનું પ્રાયશ્ચિત? / કેસરિયા પાઘડી પહેરી રાહુલ ગાંધી સ્વર્ણ મંદિરમાં, ભાજપ નેતાએ 84ના હુલ્લડો યાદ કરી જૂની સ્પીચનો વીડિયો કર્યો શેર

• રાહુલ ગાંધીનાં અમૃતસરનાં ફોટા વાયરલ 
• કેસરી પાઘમાં જોવા મળ્યાં સાંસદ
• ભાજપનાં અમિત માલવીયએ કર્યો તેમના પર પ્રહાર

કોંગ્રેસ સાંસદ રાહુલ ગાંધી આજે મંગળવારે અમૃતસર પહોંચ્યા તે દરમિયાન તેમણે સુવર્ણ મંદિરમાં દર્શન કર્યાં હતાં. આ મોકા પર રાહુલ ગાંધી કેસરી રંગની પાઘડીમાં નજરે પડ્યાં હતાં જેમના ફોટા સોશિયલ મીડિયા પર વાયરલ થઈ રહ્યાં છે. રાહુલ ગાંધીનાં સુવર્ણ મંદિરની યાત્રાની થોડી જ ક્ષણો બાજ ભાજપ નેતા અમિત માલવીયાએ ટ્વિટ કરી કોંગ્રેસ પર આકરાં પ્રહારો કર્યાં હતાં. તેમણે 1984 શીખ દંગાને લઈને રાજીવ ગાંધી અને કોંગ્રેસને જવાબદાર કહ્યું.

Did you also atone for the comment of your father Rajiv Gandhi, justifying the genocide of Sikhs? Congress had hit the streets, raised slogans like ‘khoon ka badla khoon se lenge', raped women, wrapped burning tyres around necks of men…
Kamalnath and Tytler still rule the roost. https://t.co/Jz4iuGRly3 pic.twitter.com/io5O8bruyK

— Amit Malviya (@amitmalviya) January 10, 2023

રાહુલે કરી સુવર્ણ મંદિરની યાત્રા
રાહુલ ગાંધીએ મંગળવારે અમૃતસરમાં શ્રી હરમંદિર સાહિબમાં પહોંચીને માંથુ નમાવ્યું હતું. તે દરમિયાન રાહુલે કીર્તન જત્થાની પાછળ બેસીને થોડીવાર ગુરૂવાણી પણ સાંભળી હતી. બ્લૂ સ્ટાર ઑપરેશન બાદ એવું પહેલીવાર થયું કે ગાંધી પરિવારમાંથી કોઈ વ્યક્તિ સુવર્ણ મંદિરની અંદર કીર્તન સાંભળવા બેઠો હોય. આશરે 20 મિનીટ સુધી રાહુલ ગાંધી કીર્તન જત્થાની પાછળ બેઠાં હતાં. 

गुरु के द्वारे, श्री हरमंदिर साहिब पहुंच कर मानवीय मूल्यों में विश्वास और भी गहरा हो जाता है। सत श्री अकाल! 🙏 pic.twitter.com/RBMq0yyjk8

— Rahul Gandhi (@RahulGandhi) January 10, 2023

અમિત માલવીયએ આજે કર્યું ટ્વિટ
રાહુલ ગાંધીનાં સુવર્ણ મંદિરની યાત્રાનાં ફોટોઝ ટ્વિટર પર જેવા પોસ્ટ થયાં તેવું જ ભાજપ IT સેલનાં પ્રમુખ અમિત માલવિયએ પૂર્વ પીએમ રાજીવ ગાંધઈનો એક વીડિયો શેર કરતાં રાહુલ ગાંધી પર નિશાન સાધ્યું હતું. તે વીડિયોમાં રાજીવ ગાંધીએ પૂર્વ પીએમ ઈન્દિરા ગાંધીની હત્યા બાદ થયેલ દંગાઓનો ઉલ્લેખ કર્યો હતો. રાજીવ ગાંધીએ કહ્યું હતું કે 'જ્યારે કોઈ મોટો ઝાડ પડી જાય છે ત્યારે ધરતી થોડી હલે છે.' આ સાથે જ તેમણે લખ્યું કે શું તમે ક્યારેય શીખોનાં નરસંહારને સાચું ઠહેરાવનાર પોતાના પિતા રાજીવ ગાંધીની ટિપ્પણીનો પ્રાયશ્ચિત કર્યો હતો? કોંગ્રેસ રસ્તાઓ પર ઊતરી હતી, 'લોહીનો બદલો લોહીથી લેશું'નાં નારા લગાવ્યાં હતાં, મહિલાઓનો રેપ કર્યો હતો, પુરુષોનાં ગળામાં સળગતાં ટાયર નાખ્યાં હતાં...

ભાજપે પહેલા પણ આ મુદે કર્યો છે કોંગ્રેસ પર પ્રહાર
કોંગ્રેસનાં પૂર્વ અધ્યક્ષ રાહુલ ગાંધીએ આ પહેલા પણ જ્યારે પંજાબમાં લિંચિંગને લઈને મોદી સરકાર પર પ્રહારો કર્યાં હતાં ત્યારે ભાજપ નેતા અમિત માલવીયએ આ પ્રકારનું જ ટ્વિટ કરી પલટવાર કર્યો હતો. માલવીયએ કહ્યું હતું કે રાજીવ ગાંધી તો મૉબ લિંચિંગનાં જનક હતાં જેમણે શીખોનાં લોહીથી લથપથ જનસંહારને સાચું કહ્યું હતું.