PHOTOS / ગુજરાતમાં ઠેર-ઠેર રન ફોર વોટનું આયોજન: યુવાઓમાં જોવા મળ્યો ગજબનો ઉત્સાહ

ગુજરાતમાં લોકસભા ચૂંટણીના મતદાનને ગણતરીના કલાકો બાકી રહ્યા છે ત્યારે મતદાનને લઇને જાગૃતિ ફેલાવવા માટે અનેક સ્થળોએ રન ફોર વોટ કાર્યક્રમનું આયોજન કરાયું હતુ.

ગાંધીનગરમાં રન ફોર વોટના કાર્યક્રમમાં મુખ્ય ચૂંટણી અધિકારી પી ભારતીએ ફલેગ ઓફ કરાવ્યું હતું... આ કાર્યક્રમમાં મુખ્યચૂંટણી અધિકારીએ સૌ કોઇને મતદાન અવશ્ય કરવા અપીલ કરી હતી.

અમદાવાદના વહીવટી તંત્ર દ્વારા મતદાન જાગૃતિ માટે શહેરના રિવરફ્રન્ટ ખાતે રન ફોર વોટ રેલીનું આયોજન કરવામાં આવ્યું... રેલીમાં મોટી સંખ્યામાં યુવાઓ સાથે જ પોલીસ કર્મીઓ, મહિલાઓ અને બાળકો પણ જોડાયા હતા.

દેવભૂમિ દ્વારકાના મુખ્યમથક ખંભાળિયામાં રન ફોર વોટ કાર્યક્રમ દ્વારા મતદારો માટે મતદાતા જાગૃતિ અભિયાન અંતર્ગતનો કાર્યક્રમ યોજવામાં આવ્યો હતો. ખંભાળિયાના તમામ માર્ગો પર ફરી રેલી સ્વરૂપે તમામ લોકોને મતદાન અવશ્ય કરવા જાગૃત કરવામાં આવ્યા હતા..

આજે પંચમહાલ જિલ્લામાં ચૂંટણી અધિકારીએ રન ફોર વોટ કાર્યક્રમ યોજ્યો હતો. જિલ્લા અધિક કલેક્ટર, સ્વીપ નોડલ અધિકારી અને જિલ્લા રમતગમત અધિકારી સહિતની ઉપસ્થિતિમાં રન ફોર વોટ મેરેથોન કાર્યક્રમનું પ્રસ્થાન ગોધરાના સ્પોર્ટ્સ કોમ્પ્લેક્સ ખાતેથી કરવામાં આવ્યું હતું. આ કાર્યક્રમનું સમાપન ન્યુ ઇરા સ્કૂલ ગ્રાઉન્ડ ખાતે કરવામા આવ્યું હતું. જે બાદ વધુમાં વધુ મતદાન કરાવવા કાર્યક્રમમાં સામેલ થયેલા લોકો પાસે પ્રતિજ્ઞા લેવામાં આવી હતી.